“ҲЕЧ БИР ШАХС ҲУЖЖАТСИЗ ҚОЛМАЙДИ” ҲУҚУҚИЙ АКЦИЯСИ ДАВОМ ЭТМОҚДА

Адлия вазирлиги томонидан шу йилнинг 20 январь санасидан бошлаб “Ҳеч бир шахс ҳужжатсиз қолмайди” ҳуқуқий акциясига старт берилди. Эндиликда 20 мартга қадар давом этадиган ушбу ҳуқуқий акция доирасида ўз вақтида олинмасдан қолган туғилганлик ҳақида гувоҳнома, ўлим ҳақида гувоҳнома, ID карта, рўйхатдан ўтказилмаган тадбиркорлик субъектларини давлат рўйхатидан ўтказиш, давлат рўйхатидан ўтказилмаган кўчмас мулк объектларини рўйхатдан ўтказишга доир ҳужжатлар расмийлаштирилади.

Ҳуқуқий акция давомида Амударё тумани ФҲДЁ бўлими томонидан Бўстон маҳалласида яшовчи Қурбонбоев Шавкат ва Атаджанова Мавлудаларнинг йўқотилган никоҳ гувоҳномаси ва 2 нафар фарзандларининг туғилганлик ҳақидаги гувоҳномалари сайёр тартибда жойига чиққан ҳолда топширилди. Шунингдек, Чордара маҳалласида яшовчи Атаниязова Аноргулнинг 1995 йилда вафот этган, аммо муддатида қайд қилинмай қолган ўғли Худайбергенов Маҳмуднинг ўлими Фуқаролик ишлари бўйича туман суди қарорига асос қайд қилинди ва ўлим ҳақидаги гувоҳномаси сайёр тартибда топширилди. Ўтказилган хатлов натижасида аниқланган 1та туғилганлик ва 12та ўлими қайд қилинмай қолган ҳолатлар юзасидан туман Адлия бўлими томонидан Фуқаролик ишлари бўйича туман судига даъво ариза киритилишида фуқароларга амалий ёрдам кўрсатилмоқда.

Акция доирасида амалга оширилаётган ишлар фуқароларимизнинг ҳуқуқлари таъминланиши, ҳар қандай муаммоларга давлат органлари томонидан ечим топилиши ва уларнинг ишончлари суиистеъмол бўлмаслигига хизмат қилади.

М.Эшмурадова, туман

ФҲДЁ бўлими мудираси.