Босув маҳалласида ҳоким сайёр қабули бўлиб ўтди

Бугунги кунда мамлакатимизда аҳоли орасига кириб бориш, улар билан юзма-юз мулоқот қилиш, мурожаатларни тинглаш, муаммоларни ўрганиш ва фуқаролар томонидан кўтарилган масалаларни ҳал этиш турли даражадаги давлат ҳокимияти ва бошқарув органлари раҳбарларнинг асосий вазифасига айланган. Мазкур устувор вазифани амалга оширишда сайёр қабул ўтказиш тизими муҳим аҳамият касб этмоқда. Жойларда масъуллар томонидан ташкил этилаётган сайёр қабуллар фуқароларнинг муаммоларини жойида ўрганиш ва ижобий ҳал этиш, муҳим маълумотлар ва қонунчиликдаги янгиликларни аҳолига етказишга хизмат қилмоқда.

Амударё тумани ҳокими, 1-сектор раҳбари Собир Хўжаметов 6 февраль куни Босув маҳалла фуқаролар йиғинида фуқаролар муаммоларнини тинглаш, уларни ҳал қилишга амалий ёрдам бериш мақсадида сайёр қабул ўтказди.

26-сонли умумтаълим мактаби биносида ташкил этилган сайёр қабулда туман ҳокимининг Ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Нодир Камолов, корхона-ташкилотлар раҳбарлари, овул фуқаролар йиғини раиси, хотин-қизлар фаоли, ёшлар етакчиси, бир гуруҳ ёшлар ҳамда фуқаролар иштирок этдилар.

Сайёр қабул мобайнида 2 нафар ёшлар ҳайдовчилик гувоҳномаси ўқув курси харажатларини қоплаб беришда амалий ёрдам, 5 нафар ёшлар олий ўқув юртларида ўқиш учун тўлов шартнома пулларини тўлашда амалий ёрдам ҳамда 1 нафар ёш ўзини ўзи банд қилиш учун субсидия асосида мотокултиватор олишда амалий ёрдам сўраб масъулларга мурожаат қилдилар. Мурожаатлар туман ҳокими ва тегишлилиги бўйича идора ва ташкилотлар раҳбарлари томонидан бирма-бир қабул қилиниб, мурожаат эгалари билан юзма-юз мулоқот ўтказилди. Фуқаролар мурожаатлари тингланиб, қайд этиб борилди.

Шу ўринда таъкидлаш керакки, сўнгги йилларда мамлакатимизда давлат органлари билан аҳоли ўртасида очиқ мулоқотни йўлга қўйиш, долзарб муаммоларни аниқлаш, давлат органлари ва бошқа ташкилотлар томонидан мурожаатларнинг кўриб чиқилишини таъминлашга алоҳида эътибор қаратилмоқда. Ҳудудларда ташкил этилаётган сайёр қабуллар аҳолини йиллар давомида қийнаб келган муаммоларнинг аниқланишига, уларнинг аксарияти жойида ҳал этилишига замин яратмоқда.

Аҳоли фаровонлигини таъминлаш, яшаш шароитларини яхшилаш, янги иш ўринлари яратиш, маҳаллалардаги ободонлаштириш, қурилиш, таъмирлаш ишлари, ичимлик суви, электр ва газ таъминоти, йўл қурилиши ва шу каби фуқароларни қийнаб келаётган муаммоларни бартараф этишда, туманда инфратузилмани ривожлантириш ва аҳоли турмуш сифатини яхшилашда жойларда ҳоким ва секторлар раҳбарлари томонидан ўтказилаётган сайёр қабуллар муҳим восита бўлмоқда.

Мазкур сайёр қабулда ҳам ҳоким фуқаролар билан юзма-юз суҳбатлашиб, уларни қийнаётган турли масалалар бўйича муаммоларини тинглади. Фуқаролар томонидан билдирилган муаммолар, турли йўналишлардаги масалалар бўйича ҳоким ўринбосарлари ва бошқа тегишли ташкилотлар мутасаддилари иштирокида зарур чоралар кўрилиши алоҳида қайд этилди. Айрим мурожаатлар шу куннинг ўзидаёқ ҳал қилинган бўлса, бошқа мурожаатларда кўрсатилган муаммоларни ҳал этиш юзасидан тегишли идораларнинг мутассадиларига аниқ топшириқ ва кўрсатмалар берилди.

Қабул мобайнида айниқса маҳалла ёшлари ҳар хил соҳаларда ўзларини қизиқтирган турли саволлар билан масъулларга мурожаат қилдилар. Масъуллар саволларга тегишлича жавоблар бериб, ёшларнинг ҳаётда ўз ўрнига эга бўлишлари, ўқиб, билим олишлари, келажакда юртимизга нафи тегадиган комил инсонлар бўлиб етишишларига тилакдош бўлдилар.

Чарос Арслонова, туман ҳокимлигининг Ахборот хизмати раҳбари.