МАҚСАДИМИЗ — ХАЛҚИМИЗНИНГ ҲАЁТДАН ВА ДАВЛАТИМИЗДАН РОЗИ ЯШАШИНИ ТАЪМИНЛАШ

Ўзбекистон Республикаси Президентининг Виртуал қабулхонасига ўтган 2023 йил бошидан 31 декабрь санасига қадар туман аҳолиси томонидан жами 4 749та масалалар бўйича мурожаатлар келиб тушган бўлиб, шундан Ўзбекистон Республикаси Президентининг Ишонч телефони орқали 3 669та, Президент почтаси орқали 126та, Президент Халқ қабулхонасига 100та, сайёр қабул жараёнида 55та, веб-сайт ҳамда Халқ қабулхонаси веб-сайтига 457та,  Халқ қабулхонаси почтаси орқали 49та мурожаатлар келиб тушган. Қолган 293таси эса Амударё туман Халқ қабулхонасига келиб тушган.

Юқорида қайд этилган мурожаатларнинг 4 678таси кўриб чиқилган бўлиб, уларнинг 80 фоизи қаноатлантирилган,

2 165таси ижобий ҳал қилинган, 1 557та мурожаат ҳуқуқий маълумот бериш орқали ҳал қилинган, 30таси узоқ муддатли назоратга олинган. Қолган 723тасига тушунтириш берилиб, 50таси рад этилган, 140таси тугатилган, 11таси кўрмасдан қолдирилган, 4таси маълумот учун қабул қилинган ва 71таси кўриб чиқиш жараёнида.

Ўзбекистон Республикаси Президентининг Виртуал қабулхонасига 2023 йил давомида туман аҳолиси томонидан билдирилган 4 749та мурожаатларнинг 2 696таси Амударё туманидаги давлат органлари, идора ва ташкилотлар томонидан, 2 053таси Қорақалпоғистон Республикаси, вилоятлар, Тошкент шаҳри ҳамда Республиканинг бошқа туман ва шаҳарларидаги давлат органлари, вазирлик ва бошқармалари томонидан ўрганиб чиқилган.

Ўтган 2023 йил бошидан йил якунига қадар туман аҳолиси томонидан уй-жойни таъмирлаш ва қуриш учун ёрдам сўраб 244та, алимент ундириш, муҳтожларга бир марталик моддий ёрдам тўғрисида 183та, 18 ёшгача болалар нафақаси олиш масаласида 182та, даволаниш ва жарроҳлик амалиёти учун моддий ёрдам сўраб 105та ва уй-жой билан таъминлаш масалалари бўйича 97та мурожаатлар келиб тушган.

2023 йил бошидан 31 декабрь санасига қадар тумандаги сектор раҳбарлари томонидан ўзларига бириктирилган маҳаллаларда жами 285 марта оммавий сайёр қабуллар ўтказилди. Ушбу ўтказилган сайёр қабулларда жами 1 460та масала бўйича мурожаатлар қабул қилинган бўлиб, шундан 1 447таси кўриб чиқилган. Мазкур мурожаатларнинг 1 372таси қаноатлантирилган, шундан, 1 024таси ижобий, 346таси ҳуқуқий маълумот бериш орқали ҳал қилинган, 2таси узоқ муддатга назоратга олинган. Қолган 75тасига тушунтириш берилган ва 13таси кўриб чиқиш жараёнида.

Ҳар бир мурожаат ортида инсон ва унинг тақдири  бор. Мурожаат қайси йўналиш ёки қандай мазмунда бўлишидан қатъий назар, эътиборсиз қолдиришга ҳаққимиз йўқ. Мақсадимиз эса битта — халқимизнинг давлат идораларидан, ҳаётдан рози яшашини таъминлашга кўмаклашиш. Зеро, халқ бахтли бўлса, жамият бахтли, давлатимиз эса юксак тараққиёт сари дадил одимлайверади.

Э.Ражабов,

Президентнинг Амударё туманидаги Халқ қабулхонаси мудири.