MAQSADIMIZ — XALQIMIZNING HAYoTDAN VA DAVLATIMIZDAN ROZI YaShAShINI TAʼMINLASh

Oʻzbekiston Respublikasi Prezidentining Virtual qabulxonasiga oʻtgan 2023-yil boshidan 31-dekabr sanasiga qadar tuman aholisi tomonidan jami 4 749ta masalalar boʻyicha murojaatlar kelib tushgan boʻlib, shundan Oʻzbekiston Respublikasi Prezidentining Ishonch telefoni orqali 3 669ta, Prezident pochtasi orqali 126ta, Prezident Xalq qabulxonasiga 100ta, sayyor qabul jarayonida 55ta, veb-sayt hamda Xalq qabulxonasi veb-saytiga 457ta,  Xalq qabulxonasi pochtasi orqali 49ta murojaatlar kelib tushgan. Qolgan 293tasi esa Amudaryo tuman Xalq qabulxonasiga kelib tushgan.

Yuqorida qayd etilgan murojaatlarning 4 678tasi koʻrib chiqilgan boʻlib, ularning 80 foizi qanoatlantirilgan,

2 165tasi ijobiy hal qilingan, 1 557ta murojaat huquqiy maʼlumot berish orqali hal qilingan, 30tasi uzoq muddatli nazoratga olingan. Qolgan 723tasiga tushuntirish berilib, 50tasi rad etilgan, 140tasi tugatilgan, 11tasi koʻrmasdan qoldirilgan, 4tasi maʼlumot uchun qabul qilingan va 71tasi koʻrib chiqish jarayonida.

Oʻzbekiston Respublikasi Prezidentining Virtual qabulxonasiga 2023-yil davomida tuman aholisi tomonidan bildirilgan 4 749ta murojaatlarning 2 696tasi Amudaryo tumanidagi davlat organlari, idora va tashkilotlar tomonidan, 2 053tasi Qoraqalpogʻiston Respublikasi, viloyatlar, Toshkent shahri hamda Respublikaning boshqa tuman va shaharlaridagi davlat organlari, vazirlik va boshqarmalari tomonidan oʻrganib chiqilgan.

Oʻtgan 2023-yil boshidan yil yakuniga qadar tuman aholisi tomonidan uy-joyni taʼmirlash va qurish uchun yordam soʻrab 244ta, aliment undirish, muhtojlarga bir martalik moddiy yordam toʻgʻrisida 183ta, 18 yoshgacha bolalar nafaqasi olish masalasida 182ta, davolanish va jarrohlik amaliyoti uchun moddiy yordam soʻrab 105ta va uy-joy bilan taʼminlash masalalari boʻyicha 97ta murojaatlar kelib tushgan.

2023-yil boshidan 31-dekabr sanasiga qadar tumandagi sektor rahbarlari tomonidan oʻzlariga biriktirilgan mahallalarda jami 285-marta ommaviy sayyor qabullar oʻtkazildi. Ushbu oʻtkazilgan sayyor qabullarda jami 1 460ta masala boʻyicha murojaatlar qabul qilingan boʻlib, shundan 1 447tasi koʻrib chiqilgan. Mazkur murojaatlarning 1 372tasi qanoatlantirilgan, shundan, 1 024tasi ijobiy, 346tasi huquqiy maʼlumot berish orqali hal qilingan, 2tasi uzoq muddatga nazoratga olingan. Qolgan 75tasiga tushuntirish berilgan va 13tasi koʻrib chiqish jarayonida.

Har bir murojaat ortida inson va uning taqdiri  bor. Murojaat qaysi yoʻnalish yoki qanday mazmunda boʻlishidan qatʼiy nazar, eʼtiborsiz qoldirishga haqqimiz yoʻq. Maqsadimiz esa bitta — xalqimizning davlat idoralaridan, hayotdan rozi yashashini taʼminlashga koʻmaklashish. Zero, xalq baxtli boʻlsa, jamiyat baxtli, davlatimiz esa yuksak taraqqiyot sari dadil odimlayveradi.

E.Rajabov,

Prezidentning Amudaryo tumanidagi Xalq qabulxonasi mudiri.