Барака уруғи қадалди

Бу йил туманимиз бўйича 16050 гектар майдонга чигит экиш режалаштирилган эди. Пахтачилик йўналишида фаолият кўрсатаётган 261 та фермер хўжаликлари ва уларга техник хизмат кўрсатувчи 17 та муқобил машина трактор паркларида чигит экиш ишлари юқори суръатларда олиб борилди.

Экиш мавсумида 120 та ҳайдов тракторлари, 360 дан ортиқ чопиқ ва 250 та транспорт тракторлари, 60 та плуг ва 211 дона чигит экиш агрегатларидан самарали фойдаланилди.

Экиш мавсумида 60 та ер тайёрлаш ва 60 та чигит экиш отрядлари кеча кундуз дала бошида бўлиб, ишнинг унумини таъминлади.

Ҳозирги кунгача туманимиз буйича жами 16050 гектар майдонга чигит экилиб, экиш ишлари 100 фоизга бажарилди.