«БEШ ТАШАББУС ОЛИМПИАДАСИ» ИККИНЧИ МАВСУМИГА СТАРТ БEРИЛДИ
Давлатимиз раҳбарининг 2022 йил 11 апрелдаги “Маҳаллаларда ёшларни оммавий спортга жалб қилишни янги босқичга олиб чиқиш чора-тадбирлари тўғрисида”ги қарорида белгилаб берилган вазифаларнинг ижросини таъминлаш мақсадида ўтган йили мамлакатимиз бўйлаб “Беш ташаббус олимпиадаси” спорт мусобақалари ўтказила бошланган эди. Мусобақаларнинг ўтган йилги мавсумий босқичларида минглаб ёшлар иштирок этиб, бор маҳорат ва иқтидорларини намойиш этишдилар. Маҳаллалардаги ёшларнинг бўш вақтини мазмунли ташкил этиш ва уларнинг маданият, санъат, спорт, китобхонлик, IT йўналишлари бўйича иқтидорларини кашф этиш ҳамда қўллаб-қувватлаш мақсадида жорий йилги “Беш ташаббус олимпиадаси”нинг иккинчи мавсумига ҳам старт берилди.
9 сентябрь куни Ихтисослаштирилган таълим муассасалари агентлиги тизимидаги Амударё тумани ихтисослаштирилган мактабида ҳам “Беш ташаббус олимпиадаси”нинг иккинчи мавсумига старт берилиши муносабати билан очилиш маросими ташкил этилди.
Тадбирда Қорақалпоғистон Республикаси Вазирлар Кенгаши раиси ўринбосари Байрам Утемуратов, Ўзбекистон Республикаси Ёшлар ишлари агентлиги марказий аппарати масъул ҳодими Азизбек Турдимуродов, Ёшлар ишлари агентлиги Қорақалпоғистон Республикаси бошқармаси бошлиғи Пўлат Махсетбаев, туман ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Маҳмуд Шерметовлар иштирок этдилар.
Тадбирнинг тантанали очилиш маросимида сўз олган Қорақалпоғистон Республикаси Вазирлар Кенгаши раиси ўринбосари Байрам Утемуратов “Беш ташаббус олимпиадаси” беллашувлари бошланиши билан барчани қутлаб, иштирокчиларга омад тилади.
Шундан сўнг туман спорт мактаби тарбияланувчилари ҳамда тумандаги Янгиобод маҳалласининг ёшлари иштирокида “Беш ташаббус олимпиадаси” доирасида “Миллий ва замонавий чолғу ижрочилиги” танлови, “Заковат” интеллектуал ўйини, “Ёш китобхон” танлови, миллий кураш ва волейбол мусобақалари бошланди.
Амударё туман ҳокимлиги, Ёшлар ишлари агентлиги туман бўлими, туман спорт мактаби ҳамкорлигида ўтказилган ушбу тадбирларда 479 нафардан ортиқ спортчи ўғил-қизлар иштирок этишди.
“Миллий ва замонавий чолғу ижрочилиги” йўналишида 58 нафар, “Заковат” интеллектуал беллашувида 54 нафар, “Ёш китобхон” танловида 212 нафар, миллий кураш мусобақасида 37 нафар ва волейбол мусобақасида 64 нафар, гимнастрада йўналиши бўйича эса 24 нафар маҳалла ёшлари ўз билим ва маҳоратларини синовдан ўтказдилар. Беллашувларда иштирок этган ёшларнинг иқтидори ҳакамлар томонидан одилона баҳолаб борилди.
Мусобақа натижаларига кўра, 48 нафар ёшлар сектор босқичига йўлланмани қўлга киритишди. Айтиш жоизки, амударёлик ёшлар мамлакат бўйлаб ўтказиб келинаётган “Беш ташаббус олимпиадаси” мусобақаларининг аввалги мавсумларида ҳам муносиб иштирок этиб келишди. Мазкур мусобақалар туман ёшларининг интилишларини, қизиқишларини, салоҳиятини юзага чиқаришда муҳим майдон бўлиб хизмат қилмоқда.
Бошланаётган мавсум ҳам улар учун муваффақиятли бўлишини тилаб қоламиз.
Туман ҳокимлиги Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
