ГЎЗАЛЛИК “ҚУРБОНЛИК” ТАЛАБ ҚИЛАДИ(МИ)?
Ҳақиқатдан ҳам гўзаллик “қурбонлик талаб қиладими?” Бу қурбонликка жон оғритиб эришиш шартми? Наҳотки гўзал бўлиш учун аслимиздан кечиб, сунъий, ясама “қўғирчоқ”қа айланиш урф бўлса!
Қош териш, татуаж, татуировка, ясама тирноқ, ясама киприк эктириш, лабларни дори ва эгилувчан пластмассалар билан шишириш, юзни торттириш, бурунни кичрайтириш, қовоқни ҳам операция йўли билан гўзаллаштириш, тирноқларни сув ўтмас турли хил ранг-баранг лакларга бўяш орқали ўзини “гўзал” кўрсатишга интилган аёл оддий аёл эмас, қўғирчоқнинг ўзи бўлиб қолмайдими?
Қадимдан момоларимиз гўзал бўлишга интилишган. Лекин бунчалик тан-жонларига озор бериб, бу ишларни қилишмаган. Ҳақиқатдан ҳам гўзаллик қурбонлик талаб қилади, фақат жонимизни оғритиб ва аслимизни ўзгартириш орқали эмас. Руҳимизни тарбиялаб, қалбимизни англаб, нафсимизни керакли жойда тийиш эвазига.
Аллоҳ яратган ҳусндан қониқмаслик эса аслингизга нисбатан ношукрликдир.
Атрофдаги одамларга гўзал кўриниш учун жонимизни қанча кўп қийнасак, мода деб, аслимиздан кечиб, танамизга ўзгартиришлар киритаверсак, нафсимизни жиловлай олмасак, танамиз ва ташқи кўринишимизга шукр қилмасак, биз ҳеч кимни аслича яхши кўролмаймиз. Сурма тортилган кўзлар, ўсмали қошлар, табиий гўзал юзлар музейдаги расмларда қолиб кетмаслиги, авлодларимизга экспонат сифатида кўриниш беришдан сақланиш ва ўзбекона менталитет йўқолмаслиги учун ҳаракат қилиш ўзини ўзбекман, деган аёлларнинг бурчидир. Менимча, шундай.
Қаршиға АЛИМБОЕВА, Дарёбўйи МФЙ.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
