ЧОЙКЎЛЛИК ЁШЛАР УЧУН КОНЦЕРТ ДАСТУРИ НАМОЙИШ ЭТИЛДИ
Мамлакатимиз аҳолисининг 55 фоизини 30 ёшгача бўлган ёшлар ташкил этади. Ҳар йили меҳнат бозорига минглаб ёшлар кириб келади. Уларга сифатли таълим бериш, касб-ҳунарга ўқитиш ва бандлигини таъминлашга алоҳида эътибор қаратилмоқда.
Ёшлар билан ишлаш, уларнинг муаммоларини маҳаллада ҳал этиш, уларни тадбиркорликка жалб қилиш, ишлаб даромад топишларига ва салоҳиятини намоён этишига шароит яратиш борасида тизимли ишлар амалга оширилаяпти. Иш билан банд бўлмаган, деҳқончилик қилишга қизиқиши бор ёшларга ижарага экин майдонлари узоқ муддатга ижарага берилиб, ижтимоий ҳимояга муҳтож, касб-ҳунар билан шуғулланишни хоҳловчи ёшларга субсидия асосида асбоб-ускуналар берилаётир.
Ёшлар орасида барчанинг доимий эътибори ва ғамхўрлигига муҳтож, имконияти чекланганлари ҳам борки, улар овул-маҳаллаларда шакллантирилган “Ёшлар баланси”да алоҳида рўйхатга қўйилган. Уларнинг ҳолидан хабар олиб туриш, қизиқишлари, қобилиятига кўра бандлигини таъминлаш, бўш вақтларини мазмунли ўтказиш тегишли соҳалар масъулларининг вазифаси қилиб белгиланган.
Мамлакатимизда июнь – Ёшлар ойлиги доирасида ёшларга оид маънавий тарғибот тадбирлари, турли фестиваллар, танловлар, кўнгилочар томошалар ўтказилмоқда, ёшларни мафкуравий таҳдидлардан ишончли ҳимоя қилишга эътибор кучаймоқда.
9 июнь куни туман Маданият ва туризм бўлими томонидан Чойкўл маданият марказида “Ёшлар ойлиги” доирасида кўнгилочар тадбир ўтказилди.
Чойкўллик ёшлар билан учрашув тарзида бошланган тадбирни овул оқсоқоли Беҳзод Айтеков очди ва йиғилган ёшларни “Ёшлар ойлиги” ва яқинлашиб келаётган Ёшлар куни билан қизғин қутлади. Овул ёшларига ҳудудини обод ва фаровон гўшага айлантиришда ўз меҳнатлари билан ҳисса қўшишига ишонч билдирди. Овул ёшлари етакчиси Хурсанд Шукуруллаев, Чойкўл маданият маркази мудири Баҳодир Ражабовлар ҳам сўзга чиқиб, ёшларни табриклаб, улар учун яратилаётган имкониятлардан унумли фойдаланишга даъват этди.
Шундан сўнг туманимизнинг иқтидорли санъаткорлари ижросида концерт дастури ташкил этилди. Шунингдек, концерт давомида туман Маданият ва туризм бўлими томонидан ёшлар учун тайёрланган байрам совғаларини бўлимнинг ёшлар билан ишлашиш бўйича мутахассиси Насибахон Эшчонова, Хурсанд Шукуруллаевлар топширдилар.
Ёшлик! Инсон мустаҳкам билим, касб-ҳунари билан ўз келажагига дадил қадам қўядиган фасл. Бу даврда уларга ўқиш-ўрганишга, улкан марраларни забт этишга руҳлантириш жуда муҳим.
Шу маънода олиб қарайдиган бўлсак, Чойкўл ёшлари билан туманимиз санъаткорларнинг учрашуви, улар учун намойиш этган концерт дастурининг аҳамияти улкан бўлди, дейиш мумкин.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
