ТАЛАБЧАН РАҲБАР,МЕҲРИБОН ОНА
Қипчоқ овулидаги 20-сонли мактабгача таълим ташкилоти ўз фаолиятини бошлаганига энди 2 йил бўлди. Айни пайтда бу даргоҳда 305 нафар келажагимиз ворислари таълим ва тарбия олишмоқда.
Ушбу таълим муассасасида болажонларни жисмоний, ақлий, ижтимоий, ҳиссий жиҳатдан камол топтириш ва уларнинг соғлиғини муҳофаза қилиш, эркин фикрлаш, ижодий қобилиятларини ривожлантириш, аҳлоқий ва маънавий жиҳатдан баркамол қилиб тарбиялаш борасида кўплаб самарали ишлар амалга оширилмоқда.
Муассаса директори Санобар Хўжаева раҳбарлик фаолиятини бошлаган илк кунданоқ, 40 нафар ишчи ходим билан худди бир оиладек бирдам ва аҳил-иноқликда фаолият юритиб келмоқда. Ушбу ходимларнинг 18 нафарини малакали педагог ходимлар ташкил этиб, улар томонидан олиб борилаётган машғулотларнинг сифат ва самараси алоҳида назорат қилиб борилади.
Ишда ниҳоятда талабчан, ҳар бир ходимдан катта масъулиятни талаб этувчи муассаса мудираси С.Хўжаева оила, фарзандлар тарбиясида ҳам худди шундай.
Турмуш ўртоғи Суҳроб Бобожонов билан 2 нафар фарзандни тарбиялаб, оқ ювиб, оқ тараб вояга етказаётган она ўз раҳбарлигидаги муссасасадаги болажонларни ҳам худди ўз фарзандларидек кўради. Уларнинг таълим-тарбия олиши, овқатланиши, хулқ-атвори доимо мудиранинг назоратида бўлади.
– Ёшлигимдан болалар билан ишлашни хуш кўрардим. Улар билан ишлаш менга ўзгача завқ бағишлайди. Эрталаб ишга келганимда болаларнинг беғубор кулгуларини, шўх-шодон қийқириқларини эшитиб, барча ташвишларни унутаман. Келажагимиз эгаларини тарбия қилишдек эзгу ишга мен ҳам ўз хиссамни қўшаётганимдан мамнун бўламан, – дейди, С.Хўжаева.
Фотима Эшимбетова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
