ОНАЛИК ВА БОЛАЛИК МУҲОФАЗАСИ – баркамол авлодни вояга етказишнинг асосидир
Оналик ва болаликни муҳофаза қилиш - даволаш ва хасталикнинг олдини олишга қаратилган тиббий ёрдам, ҳомиладор аёлларга маслаҳат бериш, уларни оналикка тайёрлаш, чақалоққа туғилиш вақтида малакали тиббий ёрдам кўрсатиш, чақалоқни парвариш қилиш, мактабгача бўлган даврда боланинг саломатлигини муҳофаза қилиш, жисмоний ривожланишини, тўғри овқатланишини, иммунологик ҳолатини назорат қилиш, мактаб ёшидаги болаларнинг саломатлигини муҳофаза қилиш, уни жисмоний ривожлантириш, ўсиб келаётган организм асосий тизимларининг фаолиятини баҳолаш, саломатлик ҳолатида пайдо бўлган ўзгаришларни аниқлаш каби масъулиятли вазифалардан иборатдир.
Ота-онанинг фарзанд олдидаги бурчи ниҳоятда масъулиятли. Ҳар бир ота-она фарзанди олдида ўз оталик, оналик бурчини хис этиши, унга жавобгарлигини тўлиқ англаб етиши лозим. Фарзандлар тарбияси қуйидаги босқичларда амалга оширилишини ҳар бир ота-она билиши лозим.
Биринчи босқич - насл тарбияси, яъни бола тарбияси бола туғилмасидан 3-4 йил олдин бошланиши зарур. Бунда фарзанд кўришни истаган ота-онанинг бўлажак фарзандлари тақдирига масъулият билан қараб, ўзларининг саломатликларини яхшилашлари назарда тутилган.
Иккинчи босқич - ҳомиладорлик давридаги парвариш. Бу масала ўта муҳим аҳамиятга эга бўлиб, айниқса, ривожланган мамлакатларда ҳомиладорлик даврида оналарга катта ғамхўрлик кўрсатилади.
Учинчи босқич - бола туғилганидан то 6-7 ёшгача бўлган давр. Шу даврга келиб болада илк маънавий тарбияни бошлаш, ривожлантириш даври бошланади. Боланинг бундан кейинги тарбияси оиладаги муҳитга чамбарчас боғлиқ бўлади. Бунда ўзаро ҳурмат ва қаттиқ тартиб бўлмаса, оиланинг барча аъзолари ўз бурчларини адо этмаса, бир-бирига нисбатан меҳр оқибат кўрсатмаса, оилада вояга етаётган фарзандлар тарбиясига салбий таъсир этади. Чунки оилада демократик негизларга асос солинади, одамлар бир-бирининг, қўшниларининг саломатлиги тўғрисида ғамхўрлик қилишни биринчи ўринга қўяди. Бу эса энг олий даражадаги маънавий қадрият, инсон қалбининг гавҳаридир. Ҳар қайси миллатнинг ўзига хос маънавиятини шакллантириш ва юксалтиришда, ҳеч шубҳасиз, оиланинг ўрни ва таъсири беқиёсдир. Чунки, инсоннинг энг покиза туйғулари, илк ҳаётий тушунча ва тасаввурлари биринчи галда оила бағрида шаклланади. Боланинг характерини, табиати ва дунёқарашини белгилайдиган маънавий мезон ва қарашлар-яхшилик ва эзгулик, олийжаноблик, меҳр-оқибат, ор-номус ва андиша каби муқаддас тушунчаларнинг пойдевори оила шароитида қарор топади. Шундай экан, фарзанди баркамол бўлмоғини истаган ота-она аввало оиласида соғлом турмуш тарзини яратиши лозим.
О.Ҳалимов,
туман тиббиёт бирлашмаси бошлиғи, тиббиёт фанлари номзоди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
