ҚАНДАЙ ҚИЛИБ СОҒЛОМ ОВҚАТЛАНИШ МУМКИН?

Соғлом овқатланиш инсоннинг жисмоний ва ақлий фаолияти юқори бўлишида, касалликка қарши курашишида муҳим ҳисобланади. Одам Ёши , аҳволи, турмуш тарзидан келиб чиқиб эътибор билан овқатланиши керак.
Бу борада қуйидаги тавсиядан фойдаланишни маслаҳат берамиз.
07:00 нонуштада творог билан бирга асал ва сметана (сметана катталар учун 50 грам, болалар учун 30 грам) истеъмоли фойдали.
Лимонли чой ичиш мумкин, чунки лимон иммунитетни кўтаради. Шунинг учун кунига бир инсонга битта лимон тавсия қилинади. Унинг икки бўлагини нонуштада чой билан, қолганини кун бўйи сув билан ва бошқа кўринишда истеъмол қилиш мумкин. Нонни пишлоқ ва қайнатилган гўшт билан, шунингдек тухум, бодринг ейиш тавсия этилади.
11:00 – 2-нонуштада кичик ширин кулча (ўта ширин бўлиши керак эмас) мевали шарбат, олма ва бошқа мевалар истеъмол қилиш фойдали. Олма аскорбин кислотасига бой бўлади. Бир инсонга бир кунда 2 дона олма ейиш тавсия қилинади.
Тушликда оқсилга бой маҳсулотлар - парранда гўшти шўрваси, қайнатилган гўшт маҳсулотлари, салатлар, 200 грамм нон ейиш тавсия қилинади.
16:00-17:00 ўртасида пешинда тарвуз, қовун  - чанқоқни қондиради, углеводга бойлиги учун куч бўлади.
Печеньелар – болалар учун.
18:00 кечки овқатда асосан, суюқ овқатлар: мошхўрда, бульон, мампар кабилар қабул қилган яхши. Кечқурун ёзда қовурилган ва оғир овқатлар яхши ҳазм бўлмайди.
Салатлар, ейиш мумкин, аччиқ гармдорини ҳам салатларга солиш мумкин.  У организмни тозалайди ва иштаҳани очади.
20:00да эҳтиёж бўлса, қатиқ ичиш фойдали, ҳар соатда 100 миллилитрдан, кун давомида 2,5 - 3 литр сув ичиш зарур. Сув организмни тозалаб туради.

Ж.ЯВКАШЕВ,
туман Тиббиёт бирлашмаси “Саломатлик маркази” шифокори.