ОЗИҚ-ОВҚАТ МАҲСУЛОТЛАРИНИНГ СИФАТИ ВА ХАВФСИЗЛИГИГА ЭЪТИБОР БЕРИШ ЖУДА МУҲИМ
Мамлакатимизда ишбилармонликка кенг йўл очиб берилиши натижасида бугунги кунда қайси озиқ-овқат, савдо шохобчаларига бормайлик, барча турдаги озиқ-овқат маҳсулотлари муҳайё эканлигига гувоҳ бўламиз. Бироқ, озиқ-овқат маҳсулотларини сотиб олиш, сақлаш ва фойдаланишда бир қатор қоидаларга амал қилишимиз, ўзимиз ва яқинларимиз саломатлигини сақлашга аҳамият беришимиз лозим.
Ушбу маҳсулотларнинг қандай сақланаётганлиги жуда муҳим. Яъни, озиқ-овқат маҳсулотларининг турларига мос равишда алоҳида ажратилган ҳолда сақланишига, тез бузилувчи маҳсулотлар маълум ҳароратда, яъни музлатгичларда сақланиши, сотувда турган озиқ-овқат маҳсулотларининг сертификатлари, сақланиш муддати борлигига, ташқи кўриниши ва яроқлилигига, маҳсулотда ёзилган ҳарорат ва шароитда сақланаётганлигига, гўшт ва гўшт маҳсулотларининг ветеринария маълумотномаси борлигига, махсус павильонларда сотилишига, музлатгичларда сақланишига эътибор бериш керак. Шунингдек, сотувчининг тиббий кўрикдан ўтганлиги ҳақида дафтарчаси борлигига, махсус кийимда савдо қилишига, унинг тозалигига, қўл ювиш учун шарт-шароитлар яратилганлигига ҳам қизиқиш керак.
Сотиб олган маҳсулотингиз учун чек олишни унутманг, сабаби бу сиз шу савдо ўрнида савдо қилганингизни тасдиқловчи ҳужжат.
Агар кимдир сифатсиз бўлган озиқ-овқат маҳсулотларини сотиб олган бўлса, бу ҳақда Истеъмолчилар ҳуқуқини ҳимоя қилиш жамияти ва бошқа ташкилотларга мурожаат этиши мумкин.
Озиқ-овқат дўконларидан сифатли ва хавфсиз маҳсулотларни сотиб олиш, ўзингиз ва яқинларингизнинг саломатлигини муҳофаза қилиш – ўз қўлингизда эканлигини унутманг!
Бекзод Тажибоев, Амударё тумани Фавқулодда вазиятлар бўлими ФВДТ ва ФМ бўлинмаси бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
