Амударё тумани ҳокими С.Йўлдашев Ўзбекистоннинг хорижий давлатлардаги элчилари билан учрашди
Президентимиз Ш.Мирзиёев ташаббуси билан ҳудудларнинг инвестиция ва экспорт салоҳиятини ошириш, янги экспорт бозорларини топиш бўйича амалий ёрдам кўрсатиш мақсадида Ўзбекистоннинг хориждаги элчилари Республиканинг шаҳар ва туманларига бириктирилган эди.
Бу борадаги ишларни янада жонлантириш мақсадида жорий йилнинг 21-26 декабрь кунлари Ўзбекистон Республикаси Ташқи ишлар вазирлиги ва хориждаги дипломатик ваколатхоналар делегацияси Фавқулодда ва мухтор элчилар бошчилигида Қорақалпоғистон Республикасида бўлади.
Бугун – 21 декабрь куни Қорақалпоғистон Республикаси Савдо-саноат палатасида “Қорақалпоғистон Республикасининг инвестицион ва экспорт салоҳияти” номли кўргазма ташкил қилинди.
Кўргазма доирасида Амударё тумани ҳокими С.Йўлдашев Ўзбекистоннинг Хитой Халқ Республикасидаги Фавқулодда ва мухтор элчиси Бахтиёр Саидов, Италиядаги Фавқулодда ва мухтор элчиси Отабек Акбаров, Сингапурдаги Фавқулодда ва мухтор элчиси Қаҳрамон Шокировлар билан учрашди.
Учрашувларда элчиларга Амударё туманининг инвестицион ва экспорт салоҳияти, туман тадбиркорлари томонидан ишлаб чиқарилаётган экспортбоп маҳсулотлар ҳамда туманнинг инвестициявий жозибадорлиги ҳақида батафсил маълумотлар берилди.
Яқин кунларда Ўзбекистоннинг бир неча хорижий давлатлардаги элчиларининг Амударё туманига ташриф буюриши кутилмоқда. Ташриф давомида элчиларнинг тумандаги йирик саноат корхоналари, экспорт билан шуғулланаётган тадбиркорларнинг ишлаб чиқариш объектларига ташрифи кўзда тутилган.
Ғ.Ешниёзов
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
