АМУДАРЁДА ЧИМ УСТИДАГИ ХОККЕЙ РИВОЖЛАНТИРИЛАДИ
Ёш авлод эгаларининг жисмонан соғлом ва баркамол бўлиб етишишларида спорт ҳамда жисмоний тарбия билан шуғулланишлари муҳим аҳамият касб этади. Шу боисдан ҳам юртимизда спортга бўлган эътибор тобора кучайтирилмоқда. Спортнинг барча турлари қаторида чим устида хоккей ўйинини ҳам янада ривожлантириш борасида кенг қамровли ишлар амалга оширилмоқда.
19 сентябрь куни туманимиз ёшларининг чим устида хоккей спортига бўлган қизиқишларини янада ошириш, уларга ушбу спорт тури тўғрисида қизиқарли маълумотлар бериш ҳамда ёшлар орасида кенг тарғиб қилиш мақсадида чим устида хоккей спорт тури усталари билан ёшлар учрашуви бўлиб ўтди. Амударё туманида чим устида хоккей спортини кенг ривожлантириш мақсадида халқаро спорт устаси Хван Игорь Анатолиевич бошчилигидаги бир гуруҳ спорт усталари туманимизга ташриф буюрдилар. Учрашув Қиличбой овули ҳудудидаги ёш тадбиркор Жасурбек Маткаримов ташаббуси билан қурилган сунъий қопламали спорт майдончасида ташкил қилинди. Спорт усталари ёшларга чим устида хоккей спорт турининг келиб чиқиш тарихи, ўйиннинг дунё ҳамда юртимиз спорти ҳаётида тутган ўрни, уни ўйнаш тартиб-қоидалари хусусида қизиқарли маълумотлар бердилар. Шундан сўнг, туман ёшларидан тузилган жамоалар ўртасида чим устида хоккей ўйини мусобақаси ташкил қилинди.
Айтиш керакки, бу каби учрашувлар туман ёшларининг чим устида хоккей спортига бўлган қизиқишларининг ошишига хизмат қилади.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
