ФАРЗАНДИНГИЗНИ ВИРУСЛИ ГЕПАТИТ “А” КАСАЛЛИГИГА ҚАРШИ ЭМЛАТДИНГИЗМИ?
Аҳоли орасида “сариқ касаллиги” номи билан юритиладиган вирусли гепатит “А” касаллиги жигарнинг жароҳатланиши билан кечадиган юқумли касалликдир.
Касаллик асосан касалликка чалинган беморлардан, қўлларни совунлаб ювмаганда, мева-сабзавотларни ювмасдан истеъмол қилганда, сувни қайнатмай ичганда, истеъмолга тайёр озиқ-овқат махсулотларга пашшаларнинг ўтириши оқибатида юқади.
Касалликнинг олдини олишда энг самарали ҳимоя воситаси бу – эмлашдир. Кўпчиликда: “гепатит А га қарши эмлаш мажбурийми ?” деган савол туғилиши мумкин. Шуни айтиб ўтишимиз мумкинки, бунга мажбурловчи қарорнинг ўзи йўқ. Лекин гепатит “А”га қарши эмлаш жуда муҳим. Чунки гепатит “А” жигар тўқималарининг жароҳатланиши билан боғлиқ касалликдир.
Шу боис, сариқ касаллигига чалинган болаларда узоқ муддат жисмоний ҳаракатдан чекланиш, парҳезга риоя қилиш, жигар фаолиятини қайта тиклаш учун кўплаб дори воситаларини қабул қилиш, бемор тўлиқ тузалгунча алоҳида эътибор ҳамда парвариш талаб этилади. Натижада, оила аъзолари бундан моддий ва маънавий зарар кўради. Ана шундай ҳолатларнинг юзага келишининг олдини олиш мақсадида биринчи галда соғлом турмуш тарзига амал қилиш, шахсий гигиена воситаларидан маданиятли тарзда фойдаланиш жуда муҳим.
Шуни алоҳида айтиб ўтиш керакки, боғча ёшидаги болалар ва 1-синфга қабул қилинаётган болалар гепатит “А” касаллигига қарши тўлиқ эмлашдан ўтказилиши ва қабул жараёнида эса ҳар эҳтимолга қарши эмланган болани қабул қилиш тавсия этилади.
Наргиза Собирова, туман Санитария эпидемиология осойишталик маркази иммунолог шифокори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
