КОPОНАВИPУСДАН ВАҲИМАГА ТУШМАСДАН ВАҚТИНГИЗНИ ФАPЗАНДИНГИЗ БИЛАН ЎТКАЗИНГ, БУ СИЗГА ХУШ КАЙФИЯТ БАХШ ЭТАДИ
Бутун дунёни саросимага солган COVID-19 инфекцияси бизнинг Pеспубликамизни ҳам четлаб ўтмади. Илк бор бу касаллик мамлакатимизда 2020 йил 15 март куни қайд этилди ва Pеспубликамиз бўйлаб карантин эълон қилинди. Карантиндан асосий мақсад касаллик тарқалишининг олдини олиш, кенг тарқалмаслигига эришишдир.
Карантин сўзи италянча «Quarantena» сўзидан олинган бўлиб “қирқ кеча, қирқ кундуз” маъносини билдиради ва эпидемияга қарши чекловчи тадбир ҳисобланади.
Pеспубликамизда карантин эълон қилинганидан бошлаб ижтимоий тармоқларда ҳар хил ёлғон ва ёмон хабарлар тарқатувчилар кўпайди. Бу тоифа одамлар фалокат жарчилари ҳисобланади. Чунки улар ёлғон ва ёмон хабарларни тўхтамасдан мунтазам етказиб, одамларда вазият яхши якунланмайдигандек тасаввур уйғотишади. Бу ҳолат одамларда фобия келиб чиқишига сабаб бўлаяпти.
Фобия грек тилидан таржима қилинганда “Қўрқув, ваҳима” маъносини билдиради. Ҳозирги кунда аҳоли орасида “Верминофобия” ва “охлофобия” учраяпти. “Верминофобия” – бу вирус ва микроблардан даҳшатли даражада ваҳимага тушишдир. “Охлофобия” эса одамлар йиғилишидан ўта хавфсирашдир. Фобиялар одам асабига кучли таъсир қилиши сабабли, бир қатор касалликлар келиб чиқишига сабаб бўлади. Халқимизда «Ваҳиманинг ўзи ярим касалликдир» деган гап бор.
Шундай экан ўзимизни ўзимиз қўрқитиб, фобияга учрашимизга сабабчи бўлиб қолмайлик. Шу билан бирга юқорида айтиб ўтилган фалокат жарчилари бўлмиш фитначиларнинг ёлғон ва ёмон хабарларига ишонмасдан карантин қоидаларига амал қилиб уйда ўтиришимиз шарт.
Тўғри, ҳозиргидек уйда ўтириб кўрмаганмиз. Ҳар доим иш, оила ва ҳаёт ташвишлари билан югуриб юрган одамлар учун бу бироз қийин ва зерикарли кечиши мумкин. Лекин бу вазиятдан унумли фойдаланиб, кўтаринки кайфият пайдо қилиш ҳам, ваҳима-ю васвасага берилишдан сақлайди. Кўтаринки кайфиятни сизга болаларингиз беради. Улар билан биргаликда дарс тайёрланг, миллий ўйинларимизнинг келиб чиқиш тарихи билан таништиринг. Чунки улар миллий ўйинлар руҳи билан эмас, компьютер ўйинлари билан катта бўлишмоқда. Эртаклар айтиб беринг. Эртак-терапия болаларнинг руҳиятини ижобий томонга ўзгартиради, ҳар доим яхшилик қилиш фикрида бўлади. Оилавий шашка ва шахмат ўйнанг, ақлни чархлайди. Имконингиз борича бирга расм чизинг, аппликация ишларини қилишга ёрдам беринг. Pанглар билан ишлаган боланинг тасаввури кенг бўлади. Китоб ўқишини назорат қилинг, фикрларини сўранг, эркин фикрлашига кўмакчи бўласиз. Бу сиз учун арзимаган нарса бўлиши мумкин. Лекин бу фарзандингиз учун ёрқин ва ширин хотира бўлиб қолади. Карантин тугаса фарзандларингизга вақт ажратолмай қоласиз.
Биз ҳам оилаларимиз билан карантин вақтидан унумли фойдаланиб, биргаликда вақт ўтказаяпмиз. Ҳар куни ҳар хил ўйин ва машғулотлардан фойдаланиб фарзандларимни руҳан ва жисмонан соғлом қилиб тарбиялашга ҳаракат қилаяпман. Фарзандларимиз бизнинг келажагимиздир. Келажагимизни асраш биз катталарнинг бурчидир. Бурчимизни сидқидилдан бажариб, карантинни ваҳимасиз енгишга ҳаракат қилайлик.
Дилноза Шомуродова,11-сонли мактаб психологи.
(Фото: http://xs.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
