ЧЕТ ТИЛЛАРНИ ЎҚИТИШ ЖАРАЁНИДА ТАЪЛИМ ТЕХНОЛОГИЯЛАРИДАН ФОЙДАЛАНИШ
Президентимиз И.А.Каримовнинг 2012 йил 12 декабрдаги «Чет тилларни ўрганиш тизимини янада такомиллаштириш чора-тадбирлари тўғрисида»ги қарори асосида 2013-2014 ўқув йилидан бошлаб барча умумтаълим мактабларнинг 1-синфида чет тилларни ўқитиш йўлга қўйилди.
Замонавий технологияларни чет тилларни ўқитиш жараёнида татбиқ этишдан мақсад – ўқувчиларни чет тилларни чуқур ўрганишга, эркин, мустақил, мантиқий фикрлай олишга, ўз фикрларини асослай олишга ўргатишдан иборат.
Чет тилларни ўргатиш жараёнида самарали таълим методларидан фойдаланиш сифатли таълим беришнинг муҳим омилидир. Ўқитиш жараёнининг самарали ва натижали бўлишини таъминлаш ўқитувчидан юксак методик маҳорат ва меҳнат талаб қилади. Чунки дарснинг қизиқарли ва самарали бўлиши ўқитувчининг дарсга қандай тайёргарлигига боғлиқ. Ўқитувчи ўқувчиларнинг ёшига ва қизиқишига мос усул танлаши керак.
Бундан ташқари ўқувчи дарс жараёнининг асосий иштирокчисига айланиши зарур.
Чет тилларни ўқитиш жараёнида турли хил ноанъанавий усуллардан фойдаланилади. Бу усулларнинг барчаси нутқ фаолияти турлари, яъни тинглаб-тушуниш, гапириш, ўқиш ва ёзиш кўникмаларини ривожлантиришга қаратилган.
Мазкур усулларнинг яна бир мақсади таълим жараёнига барча ўқувчиларни жалб қилишдир.
Таълим жараёнининг самарали ва натижали бўлиши ўқитувчининг ўқувчиларни дарсга қизиқтира олишига боғлиқ. Шундан келиб чиқиб айтиш мумкинки, биз биринчи навбатда ўқувчиларнинг қизиқишларини аниқлаб олишимиз зарур.
Айниқса, эндигина мактаб остонасига қадам қўйган 1-синф ўқувчиларида ҳали ўқиш, ёзиш кўникмалари ривожланмаган. Шунинг учун ҳам уларда тинглаб-тушуниш, гапириш кўникмаларини ривожлантириш муҳимдир.
Шу сабабли биринчи навбатда ўқувчиларнинг чет тилларни тез ўзлаштириши учун уларнинг тилга бўлган қизиқишини орттириш зарур.
Чет тилларни ўргатишда мусиқадан фойдаланиш ўқувчиларнинг тил ўрганишга қизиқишини янада оширади. Чунки мусиқани севмайдиган инсон бўлмаса керак. Шўх, гўзал мусиқалар ўқувчиларнинг диққатини жалб қилади.
Тилни мусиқа орқали ўргатиш жараёнида мусиқа матнидаги сўзлар, жестлар (ҳаракатлар) орқали ўқувчиларга тушунтирилади. Ўқувчилар сўзлар маъносини ҳаракатлар орқали тез тушуниб олиш имконига эга бўладилар.
Шу ва шу каби усуллардан фойдаланиб, дарс жараёнини ташкил қилсак, биз тил ўргатишда олдимизга қўйган мақсадимизга эришишга муяссар бўламиз
Малика ШОМУРОДОВА,
13-сонли мактабнинг француз тили фани ўқитувчиси.
(Фото - http://daxshat.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
