Тизимли равишда малака ошириш маҳалла фаолларининг бошқарув маҳоратини янада яхшилайди
Маълумки, бугунги кунда юртимизда амалга оширилаётган кенг кўламли ислоҳотларни ҳаётга муваффақиятли татбиқ этишда фуқароларнинг ўзини-ўзи бошқариш органлари, хусусан, маҳаллаларнинг ўрни ва роли тобора ортиб бормоқда.
2013 йил 10 октябрь куни "Фуқароларнинг ўзини-ўзи бошқариш органлари ходимларининг малакасини ошириш бўйича ўқув курсларини ташкил этиш тўғрисида”ги Ўзбекистон Республикаси Президентининг Қарори қабул қилинди.
«Фуқароларнинг ўзини-ўзи бошқариш органлари тўғрисида»ги Ўзбекистон Республикаси Қонуни амалга оширилишини таъминлаш, шунингдек, фуқаролар йиғинлари ходимларининг касбий ва бошқарув малакаларини янада ошириш, фуқароларнинг ўзини-ўзи бошқариш органларига тизимли методик ёрдамни ташкил этиш мақсадида қабул қилинган мазкур қарор билан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузурида давлат таълим муассасаси шаклида фуқароларнинг ўзини-ўзи бошқариш органлари ходимларининг малакасини ошириш бўйича ўқув курслари ташкил этиладиган бўлди.
Эътиборли томони шундаки, мазкур ўқув курсларида малака оширадиган фуқаролар йиғинлари раислари, фуқаролар йиғинларининг диний маърифат ва маънавий-ахлоқий тарбия масалалари бўйича маслаҳатчилари, фуқаролар йиғинларининг масъул котиблари ва «Маҳалла посбони» жамоатчилик тузилмаларининг раҳбарлари малака оширишнинг тасдиқланган жадвалига кўра ўқув курсларига ўқишга йўлланган даврида тингловчиларнинг асосий иш жойи бўйича ўртача иш ҳақи ўқиш даврида сақланиб қолинади ва малака ошириш учун ўқув курсларига юборилган бошқа шаҳарлик тингловчиларга тўланадиган суткалик пул ва таълим олиш жойига бир марта бориб-келиш бўйича сарфланган харажатлар уларни юбораётган томон ҳисобидан республика доирасида хизмат сафарлари учун ўрнатилган тартиб ва миқдорларда қопланади.
Бир сўз билан айтганда, давлатимиз раҳбарининг мазкур қарори маҳалла фаолларининг касбий малакаси ва бошқарув маҳоратини оширишда муҳим дастуриламал бўлиб, бу борадаги ишларни сифат жиҳатидан янги босқичга кўтаради.
Ойбек ЮСУПОВ,
Амир Темур номли ОФЙ раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
