ЗАҲИPИДДИН МУҲАММАД БОБУP – МАЪНАВИЯТИМИЗ САPВАPИ
Кимки ўзбек номини, ўзбек миллатининг куч-қудратини, адолатпарварлигини чексиз имкониятларини, унинг умумбашарият ривожига қўшган ҳиссасини, шу асосда келажакка ишончини англамоқчи бўлса, Заҳариддин Муҳаммад Бобур сиймосини эслаши керак.
Улуғ бобокалонимиз, мислсиз сўз санъаткори ва салоҳият соҳиби Заҳириддин Муҳаммад Бобур маънавиятимиз султони, сарваридир. Унинг ижодий мероси, хусусан, “Бобурнома”дек тарихий мемуар асари ҳар бир қалбда буюк ватанпарварлик туйғусини уйғотувчи мўъжизакор қудратни ўзида мужассам этгани билан қадрли. Биз уни қанчалик мутолаа этмайлик, унинг янги-янги қирралари инсон ақлини ҳайратга, руҳини соҳир туйғулар оламига тўлдирувчи фазилатлари очилаверади.
Заҳириддин Муҳаммад Бобур машаққатли ҳаёт йўли, ижодий фаолияти ҳозирги кун ёшларига ибрат бўлмоғи лозим. Маънавиятимиз сарвари бўлган бу улуғ зот мансуб бўлган миллат фарзандлари эканимизни, вужудимизда Бобур шижоати жўш ураётганини ҳар биримиз ўйласак, англасак, қалбимизни чинаккам ифтихор туйғулари қамраб олади.
Бобур Мирзо ҳаётининг мазмуни, бетакрор фаолиятининг асосий маъноси – Ватанга муҳаббат деган олий қадриятлардан иборатдир. Зотан, бу қадрият бугунги кунда ҳам, бундан кейин ҳам биз учун, авлодларимиз учун бирдек қадрли бўлиб қолаверади.
Бу дунёда халқимиз, миллатимиз, Ўзбекистонимиз бор экан, Бобур Мирзо номи яшайверади. Аждодларимизнинг маънавий меросини юксакларга кўтаришда Бобур Мирзонинг руҳлари биз ёшларга ҳамиша мададкордир.
Саломат ХОЛИМБЕТОВА, 31-сонли мактабнинг
она тили ва адабиёт фани ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
