ХАЛҚ ФАРОВОНЛИГИ – БОШ МАҚСАДИМИЗ

2000 йил 25 майда қабул қилинган «Тадбиркорлик фаолияти эркинлигининг кафолатлари тўғрисида»ги Ўзбекистон Республикасининг Қонуни тадбиркорликнинг ривожланишида ҳуқуқий асос бўлаётган меъёрий ҳужжатлардан биридир. Қонуннинг асосий вазифалари фуқароларнинг тадбиркорлик фаолиятида эркин иштирок этиши ва манфаатдорлиги учун кафолатлар ҳамда шароитлар яратишдан, уларнинг фаоллигини оширишдан, шунингдек тадбиркорлик фаолияти субъектларининг ҳуқуқлари ва қонуний манфаатларини ҳимоя қилишдан иборат.

Қонунда тадбиркорлик фаолиятини амалга ошириш асослари, тадбиркорлик фаолияти субъектлари ҳуқуқларининг кафолатлари ва уни ҳимоя қилиш, тадбиркорлик фаолиятини давлат йўли билан қўллаб-қувватлаш механизмлари аниқ белгилаб берилган.

Бугунги кунда ушбу Қонун иқтисодиётнинг либераллашиши ва бозор иқтисодиётининг ривожланишига йўналтирилган чора-тадбирларнинг мантиқий давоми сифатида кичик бизнес ва ҳусусий тадбиркорлик фаолиятини кредитлаш, давлат буюртмаларини қабул қилиш ҳисобига кенгайишига, янги солиқ имтиёзларига асосан тадбиркорлар томонидан маҳсулот ишлаб чиқаришнинг кенг йўлга қўйилишига замин яратмоқда.

Мазкур Қонунга асосан туманда қатор ижобий ишлар амалга оширилган. Ўтган йили 236 та кичик бизнес субъектлари ташкил қилиниб, ҳозирги кунда жами 2054 та кичик бизнес субъектлари фаолият кўрсатмоқда. 2013 йилнинг июль ҳолатига 139 та юридик шаклдаги ҳамда 355 та якка тартибдаги тадбиркорлик субъектлари давлат рўйхатдан ўтказилган.

Туманда кичик бизнес ва хусусий тадбиркорликни қўллаб-қувватлаш ҳамда 2012 йилги иқтисодий дастурнинг энг муҳим устувор вазифаларини амалга ошириш борасида ташкил қилинган ишлар натижасида ўтган 2012 йилда саноат маҳсулотлари ишлаб чиқариш ҳажми 51 млрд. 723,8 млн. сўмни ташкил қилиб, солиштирма нархларда ўтган йилга нисбатан 114,6 фоизни, халқ истеъмол товарлари ишлаб чиқариш 105,1 фоизни, қишлоқ хўжалиги ялпи маҳсулотлари 115,9 фоизни, молиялаштиришнинг барча манбалари ҳисобидан капитал қўйилмалар 2,9 баробарни, пудрат ишлари 111,4 фоизни, чакана савдо 111,1 фоизни, пуллик хизмат кўрсатиш 127,5 фоизни ташкил қилиб, туман иқтисодиёт тармоқларининг барча соҳаларида ўсим суръатларига эришилди. 2013 йилнинг I чораги якунларига кўра бу кўрсаткичларнинг янада ўсиши кутилмоқда.

Туманимизда кичик бизнес ва хусусий тадбиркорлик субъектларига бюджетдан ташқари жамғармалар ҳамда тижорат банкларининг имтиёзликредитларини олишга барча шарт-шароитлар тўлиқ яратилган десак бўлади. Тадбиркорликни ривожлантириш ва қўллаб-қувватлаш мақсадида ўтган йил давомида 21 млрд. сўм миқдорида кредит маблағлари ажратиб берилди. Шу давр ичида 236 та кичик бизнес субъектлари ташкил қилинишига эришилиб, ҳаракатдаги кичик бизнес субъектлари сони 1932 тага этди.

"Бандлик” дастури доирасида туманимизда кичик бизнес ва хусусий тадбиркорликни ривожлантириш ва қўллаб-қувватлаш натижасида янги иш ўринлари яратиш мақсадида ўтган 2012 йилда 8 млрд. 292 млн. сўммиқдорида кредит маблағлари ажратилди. Жорий йилда эса бу ишлар янадаривожлантирилмоқда. Бу ҳаракатларнинг бари халқимиз, турмуши фаровонлигига эришишга қартилгандир.

М.КАЗАКОВ,

халқ депутатлари туман Кенгаши депутати.