АҲОЛИ СОҒЛИГИ НАЗОРАТ ҚИЛИНМОҚДА
Ўзбекистон Республикаси Президентининг 2009 йил 13 апрелдаги "Она ва бола саломатлигини муҳофаза қилиш, соғлом авлодни шакллантиришга доир қўшимча чора-тадбирлар тўғрисида”ги ПҚ-1096-сонли ҳамда "2009-2013 йилларда аҳолининг репродуктив саломатлигини мустаҳкамлаш, соғлом бола туғилиши, жисмоний ва маънавий баркамол авлодни вояга етказиш борасидаги ишларни янада кучайтириш ва самарадорлигини ошириш чора-тадбирлари тўғрисида”ги ПҚ-1144-сонли қарорлари асосида туғиш ёшидаги аёллар, ўсмир қизлар ва болаларни тиббий кўрикдан ўтказиб, аниқланган касалликлар юзасидан соғломлаштириш ишлари мунтазам олиб борилмоқда.
Ушбу Давлат дастурларида белгиланган вазифаларни изчил амалга ошириш борасида хотин-қизлар қўмиталари, тиббиёт муассасалари ҳамда маҳалла фуқаролар йиғинлари ўзаро ҳамкорликда тарғибот ва ташвиқот ишларини олиб боришни тизимли равишда ташкил этишмоқда.
Яқинда бизнинг "Ойбек” маҳалла фуқаролар йиғинида аҳоли орасида репродуктив саломатликни мустаҳкамлаш масалалари бўйича тушунтириш ва тарғибот ишларини амалий олиб бориш мақсадида тиббий кўрик ташкил этилди.
Бунда маҳаллага бириктирилган терапевт шифокорлар Г.Тўраева, З.Ўрозметова, болалар шифокори О.Шукурова, гинеколог шифокорлар У.Жуманиёзова, Б.Янгибоева, лаборант-ҳамширалар ва ультратовуш ёрдамида ташҳис қўйиш аппарати мутахассиси О.Оллаёровлар келиб, аҳолини тиббий кўрикдан ўтказдилар. Кўрикдан ўтказилган аҳоли орасида камқонлик, буйрак шамоллаши, асаб ва бўқоқ, ошқозон-ичак касалликларига чалинган беморлар аниқланиб, даволанишга йўлланма берилди ва тушунтириш-тарғибот ишлари олиб борилди. Аҳолини тиббий кўрикка жалб қилишда маҳаллада яшовчи ҳамширалар, шифокорлар ҳамда ўқитувчилар жамоатчилик асосида иш олиб бордилар. Маҳалламиз аҳолиси маҳалла жамоатчилик назорати ишчи гуруҳи томонидан ташкил этилган тиббий кўрикдан жуда миннатдор бўлдилар.
М.РАҲИМОВА.
Ойбек номли маҳалла фуқаролар йиғинининг диний маърифат ва маънавий-ахлоқий тарбия масалалари бўйича маслаҳатчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
