ТАДБИРКОР ҚИЗЛАРНИНГ ЭНГ ЯХШИ ЛОЙИҲАЛАРИ АНИҚЛАНДИ
Мамлакатимизда аёллар тадбиркорлиги ва энг аввало, қизларнинг тадбиркорлик фаолияти билан шуғулланишлари учун рағбатлантириш, уларда тадбиркорлик фаолияти кўникмаларини шакллантириш ҳамда ҳуқуқий билимларини ошириш бўйича комплекс чора-тадбирлар амалга оширилмоқда.
Жумладан, Ўзбекистон Хотин-қизлар қўмитаси ҳамкор ташкилотлар билан биргаликда бошланғич босқичларда турган, энди иш бошлаётган хотин-қизларга тадбиркорликни ўргатиш мақсадида турли ўқув курслари ташкил этиш, ёш оилаларга, тадбиркор аёлларга, шу жумладан, тадбиркорлик фаолиятини амалга ошириш учун коллежларнинг битирувчиларига кредитлар ажратиш, оилавий бизнес ва ҳунармандчиликни қўллаб-қувватлаш жараёнларида яқиндан ёрдам кўрсатиб келмоқда.
Шу билан бирга коллежларда битирувчи қизларнинг меҳнат ҳуқуқи ва тадбиркорлик фаолиятини ташкил этишнинг ҳуқуқий масалалари бўйича чуқур билим ва кўникмаларга эга бўлишларига кўмаклашиш мақсадида ўқув-семинарлари ташкил этиш орқали турли вазиятларда қандай қарорлар қабул қилишлари хусусида йўналишлар берилмоқда.
"Соғлом она ва бола йили” Давлат дастурида 2015-2016 ўқув йилида касб-ҳунар коллежлари битирувчи қизлари ўртасида "Тадбиркор қизнинг энг яхши лойиҳаси – 2016” танловини ўтказиш ва танлов ғолибларини муносиб тақдирлаш вазифаси белгиланган.
Яқинда тадбиркорлик соҳасининг "Ишлаб чиқариш соҳасидаги энг яхши лойиҳа”, "Сервис соҳасидаги энг яхши лойиҳа”, "Қишлоқ хўжалиги соҳасидаги энг яхши лойиҳа” йўналишларини қамраб оладиган мазкур танловнинг туман босқичи ўтказилди.
Манғит Иқтисодиёт коллежи биносида бўлиб ўтган "Тадбиркор қизнинг энг яхши лойиҳаси - 2016” танловининг туман босқичида туманимиздаги коллежлар битирувчи қизлари ўз лойиҳалари билан иштирок этдилар.
"Соғлом она ва бола йили” Давлат дастури ҳамда "Ўзбекистон Республикасида 2016 йилда фуқароларнинг ўзини-ўзи бошқариш органлари фаолияти самарадорлигини янада оширишга қаратилган қўшимча чора-тадбирлар Дастури”да белгиланган вазифаларни амалга ошириш мақсадида Ўзбекистон Хотин-қизлар қўмитаси, Ўзбекистон савдо-саноат палатаси, "Тадбиркор аёл” ишбилармон аёллар ассоцияцияси, Ўзбекистон Республикаси Марказий банки, Ўзбекистон Республикаси касаба уюшмалари Федерацияси Кенгаши Раёсати, Ўзбекистон "Маҳалла” хайрия жамоат фонди ва Ўрта махсус, касб-ҳунар таълими маркази қўшма қарори асосида ўтказилган мазкур кўрик-танловда иштирокчи қизларнинг белгиланган учта йўналиш бўйича тайёрлаган лойиҳалари мутахассислар томонидан синчиклаб ўрганиб чиқилиб, ҳакамлар ҳайъатига ҳавола этилди.
Кўрик-танлов Низомига мувофиқ ҳар бир йўналиш бўйича ғолиблар аниқланиб, уларга кўрик-танловнинг Қорақалпоғистон Республикаси босқичида иштирок этишлари учун йўлланмалар берилди.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
