ИНСОН САЛОМАТЛИГИГА ЭЪТИБОР - ФАРОВОН ТУРМУШИМИЗ АСОСИ

Истиқлол йилларида жамиятни ҳаракатга келтирувчи куч ҳисобланган аҳоли саломатлигига, унинг бахтиёр ва эркин яшашига эътибор тобора кучаймоқда. 2014 йилнинг ўзида кекса авлод вакиллари, хотин-қизлар ва ёшларга ғамхўрлик кўрсатиш, оила, оналик ва болаликни ҳимоя қилиш учун давлат бюджетидан ижтимоий эҳтиёжлар, жумладан, аҳолини қўллаб-қувватлаш ва ижтимоий соҳани мустаҳкамлаш-га ажратилаётган йиллик харажатлар 60 фоиздан ортгани фикримизнинг яққол далилидир.

Киши соғлом бўлсагина бахтиёр ва мазмунли умр кечириши мумкин. Соғлигимиз эса ўз ҳаётимизни ўзимиз оқилона бошқаришимизга, соғлом турмуш тарзига амал қилишимизга кўп жиҳатдан боғлиқ.

Шу боисдан ҳам аҳоли орасида касалликларнинг олдини олиш учун ҳар ким ўз соғлигини асрашга ўзи эътибор бермоғи лозимлиги, соғлом турмуш тарзига амал қилишнинг аҳамияти кенг тушунтирилмоқда.

Шу мақсадда август ойида ўтказилган "Саломатлик ҳафталиги”нинг ўзида 10 давра суҳбати, 59 та учрашувлар, 3 та савол-жавоб кечаси, 1804 та суҳбатлар ўтказилди. Мазкур тадбирларда аҳолининг кенг қатлами иштирок этиб, ўзларига керакли маълумотлар олмоқдалар.

Саломатликка оид тарғибот-ташвиқот ишларимиз билан бир қаторда ўтказилаётган тиббий кўриклар давомида ҳам кўпгина касалликлар эрта аниқланмоқда. Жорий йилнинг ўзида Ўзбекистон Республикаси Соғликни сақлаш Вазирлиги буйруғига асосан тажрибали шифокорлардан ташкил этилган гуруҳ томонидан 3 марта чуқурлаштирилган тиббий кўриклар ўтказилди.

13 август куни "Ҳеч ким меҳр-эътибордан четда қолмасин” шиори остида ўтказилган чуқурлаштирилган тиббий кўрикда туманимизнинг 506 нафар фуқароси ўз соғлигини назоратдан ўтказдилар. Уларнинг 15 нафари Иккинчи жаҳон уруши қатнашчилари, 254 нафари меҳнат фронти фахрийлари бўлиб, 7 нафар кексалар ўз хонадонларида тиббий кўрикдан ўтдилар.

Чуқурлаштирилган тиббий кўрик натижасида малакали шифокорлар 171 нафар фуқарога амбулатор, 19 нафарига эса стационар шароитда даволаниш учун йўлланма бердилар.

Республика ихтисослаштирилган тиббий марказлар, илмий текшириш институтлари, республика клиник шифохоналари етакчи ва малакали шифокорлари иштирокида ўтказилаётган бунингдек чуқурлаштирилган тиббий кўрикларда кенг аҳоли қатламининг қамраб олинаётганлиги туманимиз аҳолиси орасида касалликларни эрта аниқлаш, олдини олиш ва сифатли даволашда муҳим аҳамият касб этмоқда.

Олимбой ҲАЛИМОВ,

туман тиббиёт бирлашмаси бошлиғи,

тиббиёт фанлари номзоди.