Жайҳун овулида янги соғломлаштириш ва фитнес маркази иш бошлади

Бугунги шиддатли замонда инсон саломатлиги ва унинг жисмоний баркамоллиги ҳар қачонгидан ҳам муҳим аҳамият касб этмоқда. Айниқса, жамиятнинг асосий устуни бўлган хотин-қизларнинг соғлом турмуш тарзини ҳар томонлама қўллаб-қувватлаш нафақат оила фаровонлигини, балки бутун миллат келажагини белгилаб берувчи энг асосий омиллардан биридир. Сўнгги йилларда мамлакатимизда ушбу йўналишда олиб борилаётган кенг кўламли ислоҳотлар ўз натижасини бермоқда, чекка ҳудудларда ҳам замонавий инфратузилмалар яратилиб, аёлларнинг ижтимоий ва жисмоний фаоллигини оширишга катта эътибор қаратилмоқда. Жойларда аёллар спортини ривожлантириш, уларнинг саломатлигини асраш ҳамда бўш вақтларини мазмунли ташкил этиш мақсадида янгидан-янги ташаббуслар ҳаётга татбиқ этилмоқда.

Бу борадаги амалий ислоҳотларнинг ҳуқуқий асоси сифатида Ўзбекистон Республикаси Президентининг 2025 йил 3 декабрдаги фармони муҳим дастуриламал бўлиб хизмат қилмоқда. Мазкур ҳужжат доирасида хотин-қизларни ҳар томонлама қўллаб-қувватлаш, уларнинг бандлигини таъминлаш ҳамда аҳоли ўртасида соғлом турмуш тарзини кенг тарғиб қилиш борасидаги амалий ишлар изчил ва тизимли равишда давом эттирилмоқда. Ушбу қарор ижросини таъминлаш мақсадида нафақат йирик шаҳарларда, балки туманлар ва энг чекка қишлоқларда ҳам хотин-қизлар учун махсус спорт ҳамда соғломлаштириш масканлари барпо этилаётгани алоҳида эътиборга моликдир.

Амударё туманининг Жайҳун овулида ташаббускор ва изланувчан якка тартибдаги тадбиркор аёл Сурайё Каримова томонидан “Yoga Fitnes Surayyo” соғломлаштириш ва фитнес марказининг ташкил этилгани ҳам бу борада яратилган имкониятларнинг амалдаги ифоаси бўлди.

Замонавий талабларга тўлиқ жавоб берадиган мазкур марказнинг очилиши ҳудуддаги аёллар учун ўзига хос байрамга айланди, зеро, бундай масканлар аёлларнинг кундалик рўзғор ташвишларидан бироз чалғиб, ўз соғлиғига эътибор қаратиши учун энг қулай майдон ҳисобланади. "Соғлом ҳаёт – муваффақият калити" шиори остида фаолият бошлаган ушбу марказ нафақат спорт маскани, балки аёлларнинг ўзаро фикр алмашадиган, маънавий ҳордиқ чиқарадиган ўзига хос маданий-ижтимоий муҳитга айланиши кутилмоқда.

Тадбиркорнинг саъй-ҳаракатлари билан маскан энг сўнгги русумдаги, хавфсиз ва қулай замонавий спорт жиҳозлари билан тўлиқ таъминланган. Бу ерда турли ёшдаги хотин-қизлар ўзларига маъқул вақтда келиб машғулотларда иштирок этишлари учун барча шароитлар яратилган.

Мутахассисларнинг эътироф этишича, фитнес ва йога машғулотлари билан мунтазам шуғулланиш инсон организмида қон айланишини яхшилайди, мушакларни чиниқтиради ва иммунитетни мустаҳкамлайди. Мазкур марказнинг асосий вазифалари ҳам айнан шу мақсадларга йўналтирилган бўлиб, у ҳудуддаги хотин-қизларнинг бўш вақтларини мазмунли ва фойдали ташкил этиш, уларнинг кундалик ҳаётида жисмоний фаоллигини ошириш ҳамда жамиятда соғлом турмуш тарзи тамойилларини шакллантиришга бевосита хизмат қилади.

Бугунги шиддатли ахборот асрида инсоннинг руҳий ҳолати унинг саломатлигида ҳал қилувчи ўрин тутади. Шу нуқтаи назардан қараганда, мазкур марказда олиб бориладиган машғулотлар орқали аёлларнинг нафақат жисмоний саломатлигини мустаҳкамлаш, балки уларнинг руҳий барқарорлигини таъминлаш, стресс ҳолатларининг олдини олиш мақсад қилинган. Ўз соғлиғига эътиборли бўлган, руҳан тетик ва жисмонан соғлом аёлнинг оиласида эса соғлом муҳит ҳукм суради ҳамда унинг жамиятдаги ижтимоий фаоллиги табиий равишда ошиб боради.

Айни пайтда мазкур замонавий марказнинг ишга туширилиши билан ҳудуддаги кўплаб ишсиз аёлларнинг бандлиги таъминланди, улар доимий иш ўрнига эга бўлдилар. Бу эса оилалар фаровонлигини ошириш билан бирга, хотин-қизларнинг иқтисодий жиҳатдан мустақил ва барқарор бўлишига мустаҳкам замин яратади. Тадбиркор аёлнинг бу ибратли иши бошқа хотин-қизлар учун ҳам катта мотивация бўлиб, уларни янги ғояларни рўёбга чиқаришга ва қўрқмасдан тадбиркорлик майдонига қадам қўйишга ундайди.

Хулоса ўрнида шуни алоҳида таъкидлаш жоизки, Амударё туманида амалга оширилган бу каби эзгу ташаббуслар давлатимиз томонидан олиб борилаётган инсонпарвар сиёсатнинг ёрқин амалий ифодасидир. Ҳудудларда хотин-қизларни ҳар томонлама қўллаб-қувватлаш, уларни кичик бизнес ва хусусий тадбиркорликка фаол жалб этиш, спорт ва соғломлаштириш масканлари тармоғини тизимли кенгайтириш орқали жисмонан ва маънан соғлом жамиятни шакллантиришда бундай марказларнинг ўрни ўта муҳимдир. Соғлом онадан соғлом фарзанд дунёга келишини ва соғлом миллат шаклланишини назарда тутсак, тадбиркорларимизнинг бу каби масканларни кўпайтириш йўлидаги изланишлари бутун жамиятимизнинг порлоқ келажагига қўшилган энг бебаҳо сармоя ҳисобланади. Миллат таянчи бўлган аёлларнинг саломатлигини асраш йўлидаги бундай хайрли ва шарафли ишлар келгусида ҳам ўзининг юксак самарасини бериши шубҳасиз.