26-iyun – Xalqaro giyohvandlikka qarshi kurashish kuni munosabati bilan tadbirlar oʻtkazildi

Qoraqalpogʻiston Respublikasi Vazirlar Kengashining 2024-yil 21-iyundagi “26-iyun – Xalkaro giyohvandlikga qarshi kurashish kuni”ga bagʻishlab tadbirlarni uyushqoqlik bilan tashkil etish haqidagi bayonnomasi ijrosini taʼminlash maqsadida Amudaryo tuman Tibbiyot Birlashmasi tasarrufidagi koʻp tarmoqli markaziy polilinika, oilaviy poliklinikalar, oilaviy shifokorlik punktlari xodimlari aholi orasida OFY, MFY, korxona va tashkilotlarda, shuningdek aholi koʻp toʻplanadigan bekatlarda, yoʻnalishli transportlarda “Giyohvandlik – umr zavoli”, “Oʻzingni qurbon qilma”, “Giyohvandlik quliga aylanma”, “Oq ajal tuzogʻiga tushma”, “Yoshlar oʻrtasida nazoratsizlik yomon oqibatlarga olib keladi”, “Qarovsizlik, huquqbuzarliklarning oldini olish va ularning salbiy taʼsirlardan saqlanish” mavzularida suhbatlar oʻtkazildi.

26-iyun kuni tuman xokimligi, madaniyat boʻlimi va tibbiyot birlashmasi salomatlik va strategik rivojlanish instituti tuman bulimi, narkolog shifokorlar ishtirokida Mangʻit dehqon bozori atrofida, odamlar gavjum boʻlgan joylarda “26-iyun – Xalqaro giyohvandlikga qarshi kurash kuni” ga bagʻishlangan “Yuq deyishga oʻzingda kuch top” shiori ostida aktsiya oʻtkazildi.

Yoshlarning giyoxvandlik borasidagi ogoxligini oshirishga qartilgan buklet va eslatmalar, magazin peshtaxtalariga, yoʻnalishli avtobus, mikroavtobus va taksilarga tarqatildi va koʻrinadigan joylarga ilib qoʻyildi.

Tuman madaniyat boʻlimi xodimi O.Begimov, narkolog shifokor U.Yavkashev, hamshira R.Urazboyeva, shifokor J.Yavkashev, T.Saidova, assistent Ch.Ernazarovlar giyohvandlik va narkojinoyatlarning salbiy oqibatlaridan ogohlantiruvchi targʻibot - tashviqot tadbirlarida ishtirok etdilar.

Giyohvandlik yoʻlidan ketayotgan inson asta-sekin oʻzining barcha maʼnaviy xislatlarini yoʻqotib boradi: ruhiyati meʼyoridan chiqib ketadi; doʻstlarini, keyin esa oilasini yoʻqotadi; umuman ishsiz va yashash uchun mablagʻsiz qoladi; jinoiy muhitga tortilib ketadi; oʻziga va atrofdagilarga bir dunyo baxtsizlik olib kelishi muqarrar. Kasallikda eng dahshatlisi shuki, nafaqat oʻsmirlarning oʻzi, balki ularning ota-onalari ham giyohvand moddalarga paydo boʻlgan tobelikni halokatli oqibatini oʻta kech tushunadi.

Giyohvandlikning oldini olishda albatta oila va jamiyatning roli beqiyosdir. Aholi oʻrtasidagi maʼrifiy va maʼnaviy, targʻibot ishlarining ham ahamiyati nihoyatda katta. Shunday ekan, barchadan ushbu illatning tarqalishiga qarshi kurashish borasida faol boʻlishlarini soʻrab qolamiz.

J.Yavkashev, Salomatlik va strategik rivojlanish instituti tuman boʻlimi shifokori