Eng munosib nomzodlarga ovoz berdim
Insoniyat yaratilibdiki, doimo yaxshi yashashga intiladi, bolalari bagʻrida bexavotir ulgʻayishini, barkamol boʻlib voyaga yetishini orzu qiladi.
Mustaqillik yillarida mamlakatimiz fuqarolari ana shunday ulugʻ kunlarga yetishdilar. Baxtli, farovon yashash uchun intilganlarga imkon eshiklari keng ochildi.
Men hozir 85 yoshdaman, 40-yildan ziyod 33-umumtaʼlim maktabida bolalarga saboq berdim.Oʻz hayotimdan xulosa chiqarib aytamanki, oʻsib kelayotgan yosh avlodning barkamol insonlar boʻlib voyaga yetishishlari uchun yaratilgan sharoitlar bizning davrimizda orzu edi, xolos. Oʻqituvchi mehnati qadrsiz, hatto oziq-ovqat mahsulotlari – un, moylar bizga kolxozchilardan ortsagina sotilar edi.
Shularni oʻylab, keksayganimda boʻlsa-da, bugungiday dorilomon kunlarga yetganimga qayta-qayta shukrona aytaman. Oʻzbekistonimizni 23-yilda rivojlangan davlatlar qatoridan joy olib, dunyo hamjamiyati hayrat, havas bilan qaraydigan yurt darajasiga yetkazgan Yurtboshimiz I.Karimovga tolmas kuch-gʻayrat tilayman. 6-dekabr kungi Oʻzbekiston Respublikasi Konstitutsiyasining 22-yilligiga bagʻishlangan tantanali marosimda jurnalist Sh.Usnatdinovni bagʻriga bosib qutlaganida xuddi butun qoraqalpoq elini bagʻriga bosganday quvonib ketdim.
Men shu yurtimiz kelajagi uchun 21-dekabr kuni saylovda qatnashib, eng munosib nomzodlar uchun ovoz berdim. Bu mening ertagi kunimizning yanada porloq boʻlishiga qoʻshgan hissam boʻladi.
Xolboy XUDAYBERGANOV,
Amudaryo tumani.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
