NOQONUNIY FAOLIYaTGA ChEK QOʻYILDI

Oʻzbekiston Respublikasi Bosh prokuraturasi huzuridagi soliq, valyutaga oid jinoyatlarga va jinoiy daromadlarni legallashtirishga qarshi kurashish Departamentining Qoraqalpogʻiston respublikasi Amudaryo tuman boʻlimi xodimlari tomonidan tumanimizda noqonuniy faoliyat yuritib, sifatsiz mahsulotlarni ishlab chiqarib isteʼmolchilarga sotilishining oldini olish maqsadida qator tadbirlar oʻtkazilmoqda. Xususan 2012 yilda oʻtkazilgan ana shunday tezkor tadbirlar natijasida 14 ta yashirin tsexlar aniqlanib, faoliyatiga chek qoʻyilgan edi. Bu holatlar boʻyicha 8 ta jinoyat ishi va 6 ta maʼmuriy ish qoʻzgʻatildi. 8 ta jinoyat ishidan 7 tasida qoʻlbolajuvozlarda paxta chigitidan yogʻ va kunjara, 1 tasida spirtli ichimliklar ishlab chiqarish bilan shugʻullanishgan. Aniqlangan 6 holatdagi maʼmuriy huquqbuzarliklarning 5 tasida noqonuniy ravishda paxta tolasidan chigitni ajratib oluvchi qoʻlbola tsex faoliyati va 1 tasi spirtli ichimliklar ishlab chiqarish bilan bogʻliq.

Huquqbuzarlardan 12844412000 soʻmlik tovar moddiy boyliklar, xom ashyolar noqonuniy faoliyat yuritgani uchun dalil sifatida olib qoʻyildi.

Joriy yilning birinchi choragida esa 4 ta ana shunday noqonuniy faoliyat yurituvchi "tadbirkorlar” qoʻlga olindi. Ulardan 38081000 soʻmlik tovar moddiy boyliklar ashyoviy dalil tariqasida olib qoʻyildi.