BAHOLOVChILARGA VA RIELTORLARGA YaNA BIR QULAYLIK
Bugun mamlakatimiz aholisining turmush sifati va darajasi oshib borayotgani, xususiy sektor vakillari safi tobora kengayib, iqtisodiy salohiyati ortayotgani koʻchmas mulk bozori jadal surʼatda rivojlanishida muhim omil boʻlmoqda. Ijtimoiy inshoot hamda obʼektlarni davlat tasarrufidan chiqarish va xususiylashtirish, yangi uy-joylar barpo etish ishlari samarasida koʻchmas mulk bozorida talab hamda taklif mutanosibligi taʼminlanayapti.
Qonunga koʻra, rieltorlik faoliyatini yuridik va jismoniy shaxslar amalga oshirishi mumkin. Bunda jismoniy shaxs boʻlgan rieltorga koʻchmas mulk bozorida faqat axborot va maslahat xizmatlari koʻrsatish huquqi beriladi. Rieltorlik tashkiloti esa ariza berish orqali koʻchmas mulk obʼekti va unga boʻlgan huquqlarga doir bitimlarni tuzish chogʻida vositachilik qilish, koʻchmas mulk obʼektlari hamda ularga boʻlgan huquqlarning savdosini tashkil etish, koʻchmas mulk obʼektlarini ishonchli boshqarish, koʻchmas mulk bozorida axborot va maslahat xizmatlari kabi bir yoki bir necha turdagi xizmatlarni koʻrsatmoqda.
Albatta, rieltorlik faoliyatini yuritish uchun ixtisoslashtirilgan oʻquv markazlari tomonidan beriladigan malaka sertifikatiga ega boʻlish lozim. Talabgor malaka sertifikatini olish boʻyicha imtihonni muvafaqqiyatli topshirsa, imtihon oʻtkazilgandan soʻng, ikki kun muddatda QR-kod qoʻyilgan malaka sertifikatini Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali orqali olishi mumkin.
Oybek Ahmedov, tuman Davlat xizmatlari markazi bosh mutaxassisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
