Oʻzbekistonning xorijiy davlatlardagi elchilariga Amudaryo tumanining investitsion va eksport salohiyati namoyish etildi
23-dekabr kuni Oʻzbekistonning Xitoy Xalq Respublikasidagi Favqulodda va Muxtor elchisi Baxtiyor Saidov, Italiyadagi Favqulodda va Muxtor elchisi Otabek Akbarov hamda Singapurdagi Favqulodda va Muxtor elchisi Qahramon Shokirovlar Amudaryo tumaniga tashrif buyurdi.
Elchilar Amudaryo tumani hokimi Sultonboy Yoʻldashev tomonidan kutib olinib, tuman hokimligi majlislar zalida tomonlar ishtirokida yigʻilish oʻtkazildi. Yigʻilish davomida tumanning asosiy iqtisodiy koʻrsatkichlari, investitsion salohiyati, amalga oshirilayotgan hamda istiqbolli loyihalar toʻgʻrisida taqdimot oʻtkazilib, batafsil maʼlumot berildi.
Jumladan, tumanda intensiv bogʻlar tashkil qilish, zamonaviy issiqxonalar qurish, baliqchilik, terini va meva-sabzavotni qayta ishlash kabi loyihalarni amalga oshirish uchun mavjud sharoitlar oʻrganilib, investorlarni jalb qilish istiqbollari muhokama qilindi. Shuningdek, elchilar tumanni rivojlantirish boʻyicha yetakchi davlatlar texnologiyalarini hamda mutaxassislarini jalb qilish boʻyicha amaliy yordam berishini taʼkidlab, bu borada oʻz tavsiyalarini berib oʻtdi.
Elchilar “Amudaryo tomorqa xizmati” masʼuliyati cheklangan jamiyati tomonidan amalga oshirilayotgan meva-sabzavotni saqlash va qayta ishlash loyihasi doirasida qilinayotgan ishlar bilan tanishish maqsadida ushbu jamiyatga tashrif buyurishdi. Yuqori martabali mehmonlar loyiha tashabbuskori Ozod Qurbonboyev bilan uchrashib, loyiha boʻyicha oʻz tavsiyalarini berdilar.
Elchilar masʼuliyati cheklangan jamiyati shaklidagi “Amudaryotex” xorijiy korxonasiga tashrif buyurishib, korxonaning faoliyati bilan yaqindan tanishdilar. Korxona rahbari Bozorboy Saparbayev tomonidan istiqolda belgilangan loyihalar hamda amalga oshirilayotgan ishlar toʻgʻrisida batafsil maʼlumotlar berildi.
Tashrif davomida Oʻzbekistonning xorijiy davlatlardagi elchilari bilan Amudaryo tumaniga investitsiya jalb qilish va hududning eksport salohiyatini oshirish boʻyicha muntazam aloqa oʻrnatilishi qayd etib oʻtildi.
Tuman hokimligining axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
