FERMERLAR FAOLIYaTI QONUN HIMOYaSIDA

Tumanimizda oʻz faoliyatini yuritayotgan 389 ta fermer xoʻjaliklari mavjud. Paxtachilik va gʻallachilikka ixtisoslashgan fermer xoʻjaliklari  357 ta, chorvachilikka ixtisoslashgan fermer xoʻjaliklari soni 13 ta. Shuningdek, parrandachilik yoʻnalishida 5 ta, bogʻ va uzumchilik yoʻnalishida 6 ta, baliqchilik yoʻnalishida 2 ta va sabzavotchilikka ixtisoslashgan 7 ta fermer xoʻjaliklari mavjud.

Koʻp tarmoqli fermer xoʻjaliklarini tashkil etish va rivojlantirish, ular tomonidan qishloq xoʻjaligi mahsulotlarini yetishtirish, qayta ishlash hajmlarini koʻpaytirish va servis xizmatlari shoxobchalarini tashkil etish boʻyicha koʻpgina chora-tadbirlar amalga oshirib kelinmoqda.

2020-yilda Amudaryo tumanida koʻp tarmoqli fermer xoʻjaliklarini rivojlantirish boʻyicha qabul qilingan dasturga asosan jami 119 ta loyihalar amalga oshiriladi. Jumladan, intensiv bogʻ boʻyicha 22 ta, baliqchilik boʻyicha 7 ta, qoramolchilik yoʻnalishida 9 ta, qoʻychilik boʻyicha 18 ta, echkichilik boʻyicha 11 ta, parrandachilik yoʻnalishida 22 ta, asalarichilik sohasida 29 ta loyihalar amalga oshiriladi. 1 ta fermer xoʻjaligi tomonidan maktabgacha taʼlim muassasasi tashkil qilinadi.

Bugungi kunga qadar koʻp tarmoqli fermer xoʻjaliklarini rivojlantirish boʻyicha qabul qilingan Dastur 90 foizdan oshirib bajarildi.

2020-yil hosili uchun 332 ta fermer xoʻjaliklari 3350 gektar yer maydoniga gʻalla  ekib, parvarishlab, 6465 tonna tovardon uchun, 838 tonna urugʻlik uchun, jami 7303 tonna gʻalla topshirish rejalashtirilgan edi. Aslida jami 8845,7 tonna gʻalla topshirildi. Shundan tovar don uchun gʻalla rejasi 123,8 foizga, urugʻlik don rejasi 100,4 foizga bajarildi.

Tumanda 2020-yilda 362 ta fermer xoʻjaliklari tomonidan 15250 gektar maydonda gʻoʻza parvarish qilinib, 35,6 ming tonnadan ortiq paxta xom ashyosi yetishtirildi. Shuningdek, har gektar paxta maydonida oʻrtacha hosildorlik 24 tsentnerni tashkil qildi.

Tumanda 2020-yilda 332 ta fermer xoʻjaliklarining 1803 gektar yer maydoniga takroriy ekinlar ekildi. Shundan sabzavot 258 gektar, kartoshka 35 gektar, dukkakli ekinlar 400 gektar, moyli ekinlar 70 gektar, ozuqa yem-xashaklar 140 gektar, sholi 900 gektar maydonga ekildi va jami 11 ming 983 tonna hosil olishga erishildi.

Tumanda 2021-yil hosili uchun 375 ta fermer xoʻjaliklari 1224 gektar yer maydonlariga toʻqsonbosti ekinlarini ekishdi va jami 18243 tonna hosil olish rejalashtirilmoqda. Shundan 70 tonnasi eksportga yoʻnaltiriladi.

Tuman boʻyicha 2021-yil hosili uchun 13 ming gektar yer maydonida kuzgi shudgorlash ishlari olib borildi. Qoʻlga kiritilayotgan natijalarda  mamlakatimizda qishloq tadbirkorlariga, yer egalariga munosib sharoitlar yaratilayotgani, ularning faoliyatini tartibga soluvchi huquqiy-meʼyoriy tizim yaratilgani muhim ahamiyat kasb etmoqda.

Ilhom POLVONOV, tuman Fermer, dehqon xoʻjaliklari va tomorqa yer egalari Kengashi raisi.