2020-2023-YILLARDA QORAQALPOGʻISTON RESPUBLIKASINI KOMPLEKS IJTIMOIY-IQTISODIY RIVOJLANTIRISh MAQSADIDA QABUL QILINGAN PREZIDENT QARORI IJROSI TAʼMINLANMOQDA

Davlatimiz rahbarining Qoraqalpogʻiston Respublikasining mavjud ijtimoiy-iqtisodiy, shu jumladan, ishlab chiqarish va investitsiya salohiyatidan samarali foydalanish, hududda muhandislik-kommunikatsiya, ijtimoiy va ishlab chiqarish infratuzilmalarini yaxshilash, iqtisodiyot tarmoqlarini barqaror rivojlantirish, shu asosda aholi bandligini taʼminlash va turmush darajasini oshirish maqsadida qabul qilgan “2020-2023-yillarda Qoraqalpogʻiston Respublikasini kompleks ijtimoiy-iqtisodiy rivojlantirish chora-tadbirlari toʻgʻrisida”gi qarori ijrosini taʼminlash borasida izchil ishlar olib borilmoqda.

Prezident qarori ijrosi yuzasidan Amudaryo tumaniga biriktirilgan masʼullar – Oliy Majlis Senati aʼzosi Bahodir Tajiyev, Qoraqalpogʻiston Respublikasi Joʻqorgʻi Kengesining Qonuniylik, sud-huquq va korrupsiyaga qarshi kurashish masalalari qoʻmitasi raisi Zuhra Reimovalar mazkur qaror bilan belgilangan dasturlar doirasida amalga oshirilishi lozim boʻlgan ishlarning natijadorligini taʼminlash, yuzaga kelayotgan muammolarni joyida hal yetish va aholi turmush sharoitlarini yaxshilash maqsadida Amudaryo tumanida boʻlib turibdi.

Aytish kerakki, bugungi ogʻir pandemiya sharoitida mamlakatimizda kam taʼminlangan, ehtiyojmand oilalarni har tomonlama qoʻllab-quvvatlash ularga ham moddiy ham maʼnaviy koʻmak berishga alohida yeʼtibor qaratilmoqda. Tumanimizda tashrif buyurgan senator hamda deputatlar ijtimoiy himoyaga muhtoj aholini yanada qoʻllab-quvvatlash maqsadida kam taʼminlangan oilalar farzandlariga qishki kiyim-kechaklarni topshirish marosimida qatnashdilar. Tuman Mahalla va oilani qoʻllab-quvvatlash boʻlimi va Xalq taʼlimi boʻlimi hamkorligida kam taʼminlangan, boquvchisinini yoʻqotgan, yashash sharoiti ogʻir boʻlgan jami 51 ta ehtiyojmand oilalarning umumtaʼlim maktablarida taʼlim olayotgan farzandlariga qishki kiyim-kechaklar berildi. Masʼullar bolajonlar bilan samimiy suhbat qurdilar, ularni qiynayotgan muammolar bilan tanishib, takliflari hamda fikr-mulohazalarini tingladilar. Suhbat soʻngida senator hamda deputatlar farzandlarimizning kelgusidagi oʻqishlarida muvaffaqiyatlar tiladilar.

Shundan soʻng masʼullar “2020-2023-yillarda Qoraqalpogʻiston Respublikasini kompleks ijtimoiy-iqtisodiy rivojlantirish chora-tadbirlari toʻgʻrisida”gi Prezident qarori bilan 2020-2022-yillarda Qoraqalpogʻiston Respublikasida amalga oshiriladigan investitsiya loyihalarining manzilli roʻyxatiga kiritilgan qishloq xoʻjaligi sohasidagi loyihalarning taqdimotida ishtirok yetdilar. Tuman hokimining Qishloq va suv xoʻjaligi masalalari boʻyicha oʻrinbosari Fayzulla Saʼdullayev loyihalar haqida batafsil maʼlumotlar berdi.

Taʼkidlanganidek, yerdan samarali foydalanish va yangi ish oʻrinlarini tashkil qilish maqsadida tumanning Amir Temur nomli ovuli hududidan jami maydoni 18,5 gektar boʻlgan yerni bogʻdorchilik yoʻnalishidagi 18 ta loyiha, maydoni 22,9 gektar boʻlgan yerni issiqxona qurish maqsadida 2 ta loyiha sifatida tadbirkorlarga berish rejalashtirilgan. Shuningdek, 7 ta fermer xoʻjaliklari tomonidan jami 71 gektar maydonda Turkiya texnologiyasi asosida bogʻ tashkil yetish belgilangan. Jami maydoni 21,7 gektar boʻlgan koʻllarda baliqchilikni rivojlantirish boʻyicha 4 ta loyihalar amalga oshirilishi rejalashtirilgan.

Taqdimot davomida tegishli mutasaddilarga mazkur loyihalarni amalga oshirish va ishga tushirish jarayonida yuzaga keladigan muammolarni oʻz vaqtida hal qilish boʻyicha koʻrsatmalar berildi.

Tumanimizda joriy yilgi kuz-qish mavsumiga tayyorgarlik borasida amalga oshirilayotgan ishlar ham masʼullar yeʼtiboridan chetda qolmadi. Senator B.Tajiyev tumanimizda ovul hamda mahallarda boʻlib, aholining, ayniqsa, kam taʼminlangan oilalarning kuz-qish mavsumiga hozirligini oʻrgandi. Masʼullar Choykoʻl ovulidagi aholi xonadonlarida boʻldilar hamda fuqarolar yigʻini binosida hududdagi ehtiyojmand oilalar bilan uchrashdilar. Mazkur oilalarning qish mavsumidagi ehtiyojlarini inobatga olinib, 6 ta kam taʼminlangan oilalarning har biriga yarim tonnadan koʻmir hamda 2 ta ehtiyojmand xonadan aʼzolariga isitish pechlari sovgʻa qilindi.

Shundan soʻng masʼullar Choykoʻl ovuli aholisini tozalangan ichimlik suvi bilan taʼminlayotgan, ovul markazida joylashgan “Tuyamoʻyin-Nukus” mintaqalararo suv quvuridan foydalanish boshqarmasi tuman filialiga qarashli “Choykoʻl” suv tozalash shohobchasi faoliyati bilan tanishdilar.

Aytish kerakki, mazkur shoxobcha 2019-yilda Davlat dasturi asosida qurilib foydalanishga topshirilgan boʻlib, soatiga 1 tonna suvni tozalash quvvatiga yega. Suvning sifati har oyda olinadigan namuna asosida laboratoriyada maxsus tekshiruvdan oʻtkazilib turadi va belgilangan talablarga toʻla javob beradi. Xitoyda ishlab chiqarilgan suv tozalash texnologiyasining filtri oʻz vaqtida tozalanib turiladi va ayni kunda toʻla quvvatda ishlatilmoqda.

Senator hamda deputatlar ovuldagi 42-sonli umumtaʼlim maktabida oʻqituvchilar bilan mamlakatimizda taʼlim tizimini yanada takomillashtirish borasida olib borilayotgan islohotlar yuzasidan suhbat oʻtkazdilar. Oʻqituvchilarga Oʻzbekiston Respublikasi Prezidentining “Taʼlim-tarbiya tizimini yanada takomillashtirishga oid qoʻshimcha chora-tadbirlar toʻgʻrisida”gi qarorining mazmun-mohiyati va ahamiyati xususida keng turda tushunchalar berildi.

Taʼkidlanganidek, mamlakatda taʼlim-tarbiya tizimining sifati va samaradorligini oshirish, bogʻcha tarbiyalanuvchilari, oʻquvchi va talaba yoshlarda zamonaviy bilim va koʻnikmalarni shakllantirish, taʼlim tizimlari hamda ilm-fan sohasi oʻrtasida yaqin hamkorlik va integratsiyani, taʼlimning uzviyligi va uzluksizligini taʼminlash borasida chin maʼnoda islohotlar amalga oshiriloqda. Bu ishlarga hissa qoʻshish oʻzini shu yurt farzandi deb bilgan har bir fuqaroning burchidir. Zero, islohotlar qaysi sohada amalga oshirilmasin, undan koʻzlangan bosh maqsad xalq farovonligi, yurt kelajagi va mamlakat taraqqiyotini yangi bosqichga koʻtarishdek yezgu maqsadga qaratilishi bilan ahamiyatlidir.

Tuman hokimligining axborot xizmati.