XALQARO DZYuDO KUNIGA BAGʻIShLANGAN TADBIR OʻTKAZILDI
Har yili 28-oktyabr - Butunjahon dzyudo kuni sifatida ulkan bayram qilinadi. Bu sportning ushbu turi asoschisi Dzi Goro Kano tugʻilgan kun - 28-oktyabr sanasi ekanligi bilan bogʻliq.
Oʻtgan yili oʻziga xos sport bayrami – Xalqaro dzyudo kuni Xalqaro dzyudo federatsiyasiga aʼzo boʻlgan 5 qitʼaning 200 dan ziyod mamlakatlarida, shu jumladan, Oʻzbekistonda ham “Koʻchat ek!” shiori ostida oʻtkazilgan edi.
Joriy yilgi bayram tantanalari esa koronavirus pandemiyasi va irqchilikka qarshi kurashda “Birgalikda - kuchmiz” shiori ostida keng nishonlandi. Sana munosabati bilan tuman Bolalar-oʻsmirlar sport maktabida ham tadbir boʻlib oʻtdi.
Tadbirga sport maktabining rahbarlari, dzyudo murabbiylari va shugʻullanuvchilar ishtirok etdilar.
Maʼlumot uchun: sport maktabda sportning mazkur turi bilan 6 nafar murabbiylar 148 nafar oʻsmirlarga mahorat sirlarini oʻrgatib kelmoqdalar va koʻpgina yutuqlarga erishmoqdalar. Ushbu maskandan yetishib chiqqan Yevropa ochiq chempionati gʻolibi Elyor Masharipov, Osiyo chempionati sovrindori, qator xalqaro turnirlar gʻolibi, olimpia oʻyinlariga lizenziyani qoʻlga kiritgan Sharofaddin Boltaboyevlarning bugungi kunlarda munosib izdoshlari yetishib chiqmoqda.
Tadbirni BOʻSM direktori Chorsham Tojimurodov ochdi va barchani Xalqaro dyuzdo kuni bilan qutlab, yurtimizda sportga, sportning ushbu turiga qaratilayotgan eʼtibor xususida gapirdi. Shugʻullanuvchilarni imkoniyatlardan unumli foydalanib, gʻalabalarga erishishga chorladi. Gʻoliblikka erishayotgan yosh dzyudochilarning murabbiylariga sovgʻalar topshirdi.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
