Oliy Majlis Qonunchilik Palatasi deputatlari ilgʻor terimchilarga sovgʻalar berdi
Amudaryolik dehqonlar yil-oʻn ikki oy daladagi mashaqqatli mehnatlari samarasida yetishtirgan hosilini qisqa kunlarda yigʻib-terib olishga intilmoqdalar. Dala boshlarida terimchilarga barcha sharoitlar yaratilib, issiq ovqat, choy tashkil etilmoqda va terim pullari oʻz vaqtida berib borilayotir. Oppoq boʻlib ochilgan paxtalarni terishning ham oʻziga yarasha zavqi bor. Ayniqsa, mehnatlari munosib ragʻbatlantirib borilsa.
12-oktyabr kuni Oliy Majlis Qonunchilik palatasi deputatlari Zafar Abdirimov, Baxitboy Aldamurotov, Oʻzbekiston Respublikasi kasaba uyushmalari federatsiyasi vakili Abduvohid Yoʻldoshevlar Oʻrta qalʼa ovulidagi “Kamolov Gulmirza” fermer xoʻjaligi paxta dalasida boʻlishib, ilgʻor terimchilar bilan suhbatlashib, sovgʻalar topshirdilar.
Mazkur xoʻjalikning paxta dalalari 25 nafar pudratchilarga boʻlib berilgan. Hozirgi kunla ular kuniga 80-100 kilodan paxta terib topshirishmoqda.
Shuningdek, deputatlar Choykoʻl ovulidagi “Gʻulom Ali” fermer xoʻjaligi ishchilari huzurida ham boʻlishib, kuniga 100 kilodan ziyod paxta terishga erishayotgan Gulasal Matnazarova, Mehribon Qilicheva kabi ilgʻorlarga sovgʻalar topshirdilar.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
