YaNGI AVTOMOBIL OLIShNI ISTASANGIZ, “NUKUS AVTOSAVDO” MChJNING MANGʻIT FILIALI XODIMLARI YoRDAM BERADI
Tadbirkor – elga madadkor, deydi dono xalqimiz. Chunki tadbirkorlar safi oshgan sari el-yurt farovonlashib, xalqimizning ogʻiri yengillashib boraveradi. Buni yurakdan his qilgan tadbirkorlar oʻzlari faoliyat boshlagan yoʻnalishlar boʻyicha xalqqa samarali xizmat koʻrsatishga bel bogʻlashgan. Bunday ezgu niyatlar bilan yashayotgan tadbirkor insonlar tumanimizda talaygina.
Tadbirkorlik bilan shugʻullanib kelayotgan amudaryolik Xurshid Pirmanov ham koʻpdan beri oʻylab yurgan rejasini amalga oshirib, Olmazor mahallasi hududida “Nukus avtosavdo” masʼuliyati cheklangan jamiyatining Mangʻit filialiga qarashli avtosalon tashkil etdi. Filialning asosiy vazifasi mamlakatimizda va xorijiy davlatlarda ishlab chiqarilgan avtomobillarni buyurtmachi-mijozlar talab va istaklari asosida tumanimizga olib kelish va filial orqali avtosavdoni amalga oshirishdan iborat.
Bunda birinchi navbatda xaridorning talablari inobatga olinadi. Shuningdek, mijozlarga xarid qilinadigan avtomobilni sifatiga, narxiga qarab tanlash imkoniyati beriladi. Shu bilan birga avtosalon filiali avtomobil xaridi qulay boʻlishini, ortiqcha ovoragarchiliklarning oldi olinishini taʼminlaydi.
Mazkur filial tashkil etilishi bilan ikkita ishchi oʻrni yaratildi. Yana ikki-uch oydan soʻng, yaʼni 2021-yildan boshlab filial qoshida avtomobillarga texnik xizmat koʻrsatish yoʻnalishini ham yoʻlga qoʻyish rejalashtirilgan. Ushbu yoʻnalish tashkil etilishi bilan filialda yana ikki ishchi oʻrni yaratilib, ikki nafar aholi doimiy ish bilan taʼminlanadi. Filial binosida mijozlar uchun barcha zarur shart-sharoitlar yaratilgan. Ikki qavatli koʻrkam binoda oʻz faoliyatini boshlagan “Nukus avtosavdo” masʼuliyati cheklangan jamiyatining Mangʻit filiali ilk ish kunidanoq dastlabki mijozlarni qabul qilish va ularning talab-istaklarini oʻrganish ishlarini boshlab yubordi.
Endilikda tumanimiz aholisi oʻzlari xohlagan avtomobillarni sotib olish uchun Nukus shahridagi dilerlar ofislariga borib yurmaydigan boʻlishdi. Chunki filialga kelib, oʻzi xohlagan rusumdagi avtomobil sotib olishni bildirishsa, ariza bilan murojaat qilishsa bas, filial xodimlari zudlik bilan ishga kirishadilar va mijozlarning arizasida qayd etilgan rusumdagi avtomobilni xarid qilish uchun shartnoma taqdim qiladilar.
Filial rahbariyati mavjud imkoniyatlardan unumli foydalangan holda xalqimizga munosib xizmat koʻrsatish, yana yangi faoliyat turlarini ham tashkil etishni rejalashtirishgan.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
