Jayxun ilhomlari

ShUKUR QILING, ODAMLAR!

Koronavirus degan

Balo qayerdan kelgan?

Buni bir Xudo bilgan,

Ogoh boʻling, odamlar.

Xudo bergan bir sinov,

Har qadamda toʻsiq, gʻov.

Koʻrinmasdan qilar ov,

Hushyor boʻling, odamlar.

Kezmay behuda yurib,

Koʻchada suhbat qurib.

Faqat uyda oʻtirib,

Zikr qiling, odamlar.

Uydan hech joyga jilmang,

Yurak-bagʻringiz tilmang.

Koʻp ham vahima qilmang,

Sabr qiling, odamlar.

Boʻlsangiz sogʻlik tomon,

Yurgan boʻlsangiz omon.

Har nedan virus yomon,

Toqat qiling, odamlar.

Toʻxtadi katta bazm,

Boʻlmadi navo-nazm.

Oʻttiz odamlik bazm,

Fikr qiling, odamlar.

Kundan-kun yangi farmon,

Quloq solsin tirik jon.

Bor boʻlsa sizda imkon,

Amal qiling, odamlar.

Labbay, deb qoyim turib,

Yomon xayolni quvib.

Barini chetga surib,

Jasur boʻling, odamlar.

Kuyungandan ne hojat,

Xudodan soʻrang najot.

Bir kun boʻlar ijobat –

Shukur qiling, odamlar.

Boʻlsa kimki musulmon,

Diliga solib imon.

Oʻqib tilovat – Qurʼon,

Duo qiling, odamlar.

Shomurod Xoʻjanov, Doʻrman ovuli.

QIPChOGʻIMNING YoShLARI

Soʻzlar shirin, bol kabi,

Qoshlar kamon yoy kabi.

Malohatda yagona,

Tunda toʻlin oy kabi.

            Naqorat:

Qipchogʻimning yoshlari,

Vatanim goʻzallari.

Qalbda nur quyoshlari,

Dilbar-u asallari.

Vaʼdalarga vafo bor,

Oʻrtada nomus va or.

Ibratli ishlaridan,

Barcha boʻlar minnatdor.

Jayxun sohili makon,

Vatanga koʻksi qalqon.

Mehnatidan baxt topib,

Keltirar shavkat-u shon.

Barchani lol qoldirib,

Oʻynar davra toʻldirib.

Ushalsin orzu, niyat,

Armonlarni soʻndirib.

Bekbergan Tleumuratov.

BAXTIMSIZ

Yurar boʻlsam, yoʻllarim yoritguvchi,

Nogahon yiqilsam, qoʻldan tutguvchi.

Har doim intizor meni kutguvchi,

Onajon, baxtimsiz, siz jahonimsiz

Sochingizga tushgan oq tolalar ham,

Bagʻrimni tilkalar koʻzlarimda nam.

Siz-chun nimaiki qilsam, bari kam,

Onajon, baxtimsiz, siz jahonimsiz.

Dinora Karimboyeva,

NDPI talabasi.

Oʻzbek qalbi

Osmonday kengdir, oʻzbeklar qalbi,

Kavsar bulogʻiday pok erur qalbi.

Xiyonat qilmas, yor-u doʻstiga,

Yomonlik tilamas ona yurtiga.

Vatanni sotish, biz uchun emas,

Bizlardan chiqmaydi vatanfurushlar.

Vatanni asraydi, doim oʻzbeklar,

Vatanni sotmaydi, aslo oʻzbeklar.

Begzod Xalillayev,

48-sonli maktab oʻquvchisi.