YaNGI ISLOHOT SUD-HUQUQ TIZIMI RIVOJIGA XIZMAT QILADI
Mamlakatimizda sud-huquq tizimida amalga oshirilayotgan islohotlar tufayli qonunchilik asoslari mustahkamlanmoqda, sud tizimi tuzilmasi tubdan takomillashtirilmoqda. Natijada sudlar faoliyatida shaffoflik va ochiqlik taʼminlanmoqda.
Sud hokimiyatining mustaqilligi printsipiga rioya qilish, sudlarni moddiy-texnika jihatidan va moliyaviy taʼminlash maqsadida Oliy sud huzurida sudlar faoliyatini taʼminlash departamenti tuzildi.
Mamlakatimizda sud-huquq sohasida amalga oshirilayotgan yangilanish va oʻzgarishlarda dunyoning taraqqiy etgan davlatlarining bu boradagi ilgʻor tajribasi har tomonlama chuqur oʻrganilib, milliy tizimimizga muvaffaqiyatli tatbiq etilmoqda.
Prezidentimizning 2020-yil 3-sentyabrda qabul qilgan “Sud hokimiyati organlari faoliyatini raqamlashtirish chora-tadbirlari toʻgʻrisida”gi Qarori esa sudlar faoliyatiga zamonaviy texnologiyalarni keng joriy etishni nazarda tutadi va shu asosda fuqarolar va tadbirkorlik subʼektlariga oʻz huquqlari, manfaatlarini himoya qilish uchun sudga murojaat qilishni erkinlashtirish, sudlar faoliyatida ochiqlik va shaffoflikni taʼminlashni yaxshilashga xizmat qiladi.
Sudlarda avval ishlarni koʻrishda vazirlik va idoralar bilan maʼlumot almashinuvi asosan qogʻoz shaklida amalga oshirilgan. Shuning uchun ham mazkur qarorga muvofiq sudlar faoliyatini raqamlashtirish sudlar va boshqa idoralar oʻrtasida maʼlumot almashinuvini yaxshilash, sudlarga masofadan turib murojaat qilish imkoni yaratilmoqda.
Sud hokimiyati organlari faoliyatini raqamlashtirishning navbatdagi bosqichlarida fuqarolar va tadbirkorlik subʼektlariga koʻrsatiladigan interaktiv elektron xizmatlar turini kengaytirish, har bir murojaatni koʻrib chiqish jarayonining onlayn kuzatib borilishini taʼminlash, sudlarda odil sudlovni amalga oshirish uchun zarur boʻlgan maʼlumotlarning tezkorlik bilan olinishini taʼminlash uchun vazirliklar, idoralar, tashkilotlar bilan elektron maʼlumotlar almashinuvini kengaytirish, sud majlislarida masofadan turib, jumladan, mobil qurilmalar va elektron hamkorlikning boshqa shakllari orqali ishtirok etishini taʼminlash kabi qator vazifalar belgilandi.
Shubhasiz, sud-huquq tizimiga tatbiq etilayotgan “Sud hokimiyati organlari faoliyatini raqamlashtirish chora-tadbirlari toʻgʻrisida”gi Yurtboshimizning qabul qilgan Qarorini amaliyotga tatbiq etish kelgusida sohada sifat oʻzgarishlariga erishishga zamin boʻladi.
Oʻ.SOBIROV, Qoraqalpogʻiston Respublikasi Iqtisodiy sudi sudyasi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
