NOQONUNIY VALYuTA SAVDOSIGA ChEK QOʻYILDI
Valyuta qimmatliklarini qonunga xilof ravishda oʻtkazish jinoyat hisoblanadi. Ancha miqdorda valyuta qimmatliklarini olish yoki oʻtkazish javobgarlikni ogʻirlashtiruvchi holat hisoblanadi va maʼmuriy jazo qoʻllanilmasdan toʻgʻridan toʻgʻri jinoiy javobgarlikni keltirib chiqaradi. Afsuski, bu borada koʻplab tushuntirish-targʻibot ishlari olib borilayotganiga qaramasdan chet el valyutalarining noqonuniy savdosi bilan shugʻullanuvchi fuqarolar hamon uchrab turibdi.
Bosh prokuratura huzuridagi Iqtisodiy jinoyatlarga qarshi kurashish Departamenti tuman boʻlimi tomonidan huquqni muhofaza qiluvchi organlar bilan hamkorlikda oʻtkazilgan tezkor tadbirda xuddi shunday iqtisodiy jinoyatga chek qoʻyildi.
Boʻlimga kelib tushgan maʼlumotlarga asosan oʻtkazilgan tezkor tadbirda fuqaro A.B.dan qonunga xilof ravishda “Mangʻit dehqon bozori” hududida fuqaro N.T. har bir AQSh dollarini 10 ming soʻmdan, jami ikki yuz AQSh dollarini sotib olganligi aniqlandi. Natijada fuqaro A.B.dan jami 3 mln. 50 ming Oʻzbekiston soʻmi va 100 AQSh dollari miqdoridagi pullar xolis guvohlar ishtirokida ashyoviy dalil tariqasida olib qoʻyilib rasmiylashtirildi. Huquqbuzarga esa tegishli tartibda qonuniy chora koʻrildi.
S.Qurbanov, Iqtisodiy jinoyatlarga qarshi kurashish departamentining Qoraqalpogʻiston Respublikasi boshqarmasi katta inspektori.
A.Karimullayev, Departamentning tuman boʻlim inspektori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
