Yangi zafarlar sari
Har yili maktab oʻquvchilari oʻrtasida boʻlib oʻtadigan fanlararo "Bilimlar sinovi” bellashuvi oʻquvchilarda fanlarga boʻlgan qiziqish va masʼuliyatni oshirishi bilan birga, ularning bilim va koʻnikmalarini sinovdan oʻtkazadi.
Ushbu yil ham 24-25-mart kunlari Nukus shahrida "Bilimlar sinovi” bellashuvining navbatdagi bosqichi boʻlib oʻtdi. Bellashuvda ona tili va adabiyoti fanidan 16-sonli ixtisoslashgan umumtaʼlim maktabining 7-sinf oʻquvchisi Qunduzoy Yusupova va 8-sinf oʻquvchisi Nasiba Tirkashevalar faxrli birinchi oʻrinni egallab, bellashuvning Toshkent shahrida oʻtkaziladigan Respublika miqyosidagi navbatdagi bosqichiga yoʻllanma oldilar.
- Qunduzoy ham, Nasiba ham juda tirishqoq qizlar. Toʻgʻrisi, ularni bellashuvning birinchi kuni insho yozishga kuzatar ekanman, qalbimni hayajon bosdi. Oʻquvchilarimning bilim va koʻnikmalarigaishonsam-da, baribir koʻnglimda "natija qanday boʻlarkin?”, - degan hadik va ikkilanish bor edi. Bellashuvning birinchi bosqichi tugagach, qizlarning yuqori ball toʻpalaganligini eshitib, biroz koʻnglim joyiga tushdi. Ikkinchi kun test sinovi oʻtkazildi. Testning natijalari ham yomon emasdi. Bellashuv yakunida umumiy natijalar eʼlon qilinganda oʻquvchilarimning koʻzlaridagi quvonchni koʻrsangiz edi. Nasiba ham, Qunduzoy ham faxrli 1-oʻrinni egallagan edilar. Men oʻz oʻquvchilarim bilan faxrlanaman. Oʻquvchilarimning yutugʻi – butun maktabimizning yutugʻidir, - deydi ona tili va adabiyoti fani oʻqituvchisi Hulkar Qurbonboyeva.
Qizlar bilan suhbat chogʻida ular oʻz ustozlaridan nihoyatda minnatdor ekanliklarini aytdilar.
Biz Qunduzoy Yusupova va Nasiba Tirkashevalarga "Bilimlar sinovi” bellashuvining Toshkent shahrida boʻlib oʻtadigan respublika miqyosidagi navbatdagi bosqichida ham omad va muvaffaqiyat yor boʻlishini tilab qolamiz!
Aziza Abdurahmonova,
16-sonli maktab oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
