Chegaralarimiz - daxlsiz
Tuman hokimligida Oʻzbekiston Respublikasi Milliy xavfsizlik xizmati chegara qoʻshinlari vakillari ishtirokida Davlat chegaralarini himoya qilish va chegara buzilishining oldini olish mavzusida seminar mashgʻuloti boʻlib oʻtdi.
Seminarda taʼkidlanganidek, mustaqillik yillarida Konstitutsiya asosida milliy xavfsizligimizni taʼminlashning tashkiliy-huquqiy tizimini shakllantiruvchi qonunlar va boshqa normativ-huquqiy hujjatlar ishlab chiqildi va hayotga samarali tatbiq etilmoqda. Jumladan, mintaqadagi ijtimoiy-siyosiy vaziyatni, zamonaviy talablar va mamlakat xavfsizligiga tahdidlarni chuqur tahlil qilish asosida "Oʻzbekiston Respublikasining Mudofaa doktrinasi toʻgʻrisida”gi, "Oʻzbekiston Respublikasining Milliy xavfsizlik kontseptsiyasi toʻgʻrisida”gi qonun hujjatlari hamda mamlakatda tinchlik, osoyishtalik va barqarorlik saqlanishiga koʻmaklashuvchi xavfsizlikni taʼminlashning yaxlit tizimi ishlab turishiga mustahkam huquqiy negizni yaratgan bir qator boshqa hujjatlar ham qabul qilindi. Ular orasida "Oʻzbekiston Respublikasining Davlat chegarasi toʻgʻrisida”gi, "Fuqaro muhofazasi toʻgʻrisida”gi, "Terrorizmga qarshi kurash toʻgʻrisida”gi, "Mudofaa toʻgʻrisida”gi, "Umumiy harbiy majburiyat va harbiy xizmat toʻgʻrisida”gi va "Oʻzbekiston Respublikasi Qurolli Kuchlari rezervidagi xizmat toʻgʻrisida”gi qonunlarni alohida taʼkidlash mumkin. Ushbu qonunlar, Oʻzbekiston Respublikasining suvereniteti, hududiy yaxlitligi, aholining tinch hayot kechirishi va xavfsizligini taʼminlashga qaratilgan boshqa bir qator normativ-huquqiy hujjatlar bilan birga, jamiyatdagi barqarorlikni mustahkamlash va davlat xavfsizligini taʼminlashda hayotiy zarurat kasb etmoqda.
Seminarda yurtimizda Oʻzbekiston Respublikasi Milliy xavfsizlik xizmati Davlat chegaralarini himoya qilish qoʻmitasi, Milliy xavfsizlik xizmatining boshqa organ va boʻlinmalari, shuningdek Davlat bojxona qoʻmitasi va Ichki ishlar Vazirligi, mahalliy davlat hokimiyati organlari bilan hamkorlikda bugungi kunda mamlakatimiz sarhadlarini himoya qilish va qoʻriqlash yuzasidan zarur choralarni koʻrayotganligi qayd etildi.
Seminarda «Oʻzbekiston Respublikasi chegara siyosatining mohiyati, bugungi holati va istiqbollari», «Oʻzbekiston Respublikasining chegara tartibiga doir qonun hujjatlari talablari buzilishining oldini olishda «Chegara posboni» jamoat tuzilmalarining tutgan oʻrni va ularning huquqni muhofaza qiluvchi organlar bilan hamkorligi» kabi mavzularda maʼruzalar tinglandi.
(Foto - http://kamolot.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
