“JAYXUN ILHOMLAPI” NNT AHLI ShUAPONI NAVPOʻZ MUShOIPASIGA ChOPLADI

Baʼzan davralarda koʻngillarni tebratuvchi bir savol tegrasida qalblar hayajonlar ogʻushiga singiydi:

- Nega ahli ashʼor eng yaxshi sheʼrlarini bahorda yozadilar va fasli navbahorni madh etadilar? Ajab! Shoir qalbi bilan bahorning uygʻunligi bormi yo?

- Ha, bor, azizlar. Qadamlar kengliklarga eltadi shoirni bu faslda. Nainki shoir, inson bolasi borki, yashillanib, tobora chiroy ochayotgan bogʻlar bagʻriga oshiqadi. Dillarni shukrona chulgʻaydi:

- Koʻkingga yetkazganingga shukur, Tangrim!

Ana endi ayting, ahli shuaro bunday pallada qanday uyiga sigʻsin?! Yaratganning irodasi ila qalbiga quyilib kelayotgan bahoriy baytlarda ham orzular, tugʻyonlar gʻalayoni!

Uyim mening hamma joydan keng edi,
Arshi aʼlo, jannatlarga teng edi.
Sigʻmay qoldim shu makonga men endi,
Azizlar navbahor keldi!

Bahorning goʻzal tashrifi Amudaryo elining shoiru shoiralarini yana bir davraga jam etdi. “Taraqqiyot koʻzgusi” gazetasi tahririyati qoshidagi “Jayxun ilhomlari” notijorat nodavlat tashkiloti rahbari, taniqli jurnalist Oʻrozali Peyimov hamda Qoraqalpogʻiston Pespublikasida xizmat koʻrsatgan jurnalist Saʼdulla Xoʻjaniyozovlarning tashabbusi bilan tashkilot aʼzolari ishtirokida “Sen bahorni sogʻinmadingmi?” deb nomlangan bahor mushoirasi boʻlib oʻtdi. Bir piyola choy ustida boshlangan mushoirada shoir va el sevgan salomchi Tursunboy Abdullayev, shoir Ahmad Nafasov, shoira qizlardan Zulfiya Ollayorova, Zuhra Ahmedova, Gulnora Yusupova, Muhayyo Oʻrinboyeva hamda havaskor shoira, 27-sonli maktab oʻquvchisi Tursunoy Jiyanboyevalar ishtirok etishdi.

Navroʻzona sheʼriyat bazmi ahli shuaroni sheʼr bahsiga chorlovchi satrlari bilan boshlandi.

Azizim, boshlandi bahor ayyomi,
Martning etagida koʻrindi rizq-roʻz.
Qaldirgʻochga toʻldi Vatan ayvoni.
Umrga zeb berib keldi gul Navroʻz!
Sen ham davraga kel, koʻnglingni ochib,
Yana Navroʻz keldi rizqqa yoʻl ochib!

Qalblariga bahor joʻshqinligi ingan shoir ogʻalar Tursunboy Abdullayev va Ahmad Nafasovlar biri-biridan oʻzib sheʼr oʻqidilar. Sheʼriyat bazmi davrasi kengaygandan-kengaydi, mushoira gali qizlarga yetdi. Zulfiyaxon Ollayorova sheʼr bahsida oʻzini namoyon qildi. Latif, oʻynoqi, xalqona satrlari dillarga jo boʻldi. Zuhraxon Ahmedova ochilib-sochilib bahorni madh etarkan, har bir qalb tubida betakror bolalik xotiralari uygʻondi. Halinchaklar sollangan baland gujumlar, sumalakka chogʻlangan momolar mushoira davrasiga sumalakning xush iforini  ufurganday boʻldi goʻyo.

Gulnora Yusupova, Muhayyo Oʻrinboyevalarning baxshiyona ijod namunalari sheʼriyat ixlosmandlarini maftun etdi. Eng jajji ijodkor Tursunoy Jiyanboyevaning qalbidan toʻkilgan oʻynoqi satrlar bahor jilgʻalari kabi koʻngillarga goʻzallik bagʻishladi.
“Sen bahorni sogʻinmadingmi?” mushoira bazmi tashkilotchilari Saʼdulla Xoʻjaniyozov va “Jayxun ilhomlari” NNT rahbari Oʻrozali Peyimovlarning bahoriy baytlari koʻklamga yetgan koʻngillarga shukronalik, orastalik, samimiyat bagʻishladi. Haqiqatan ham bahorni sogʻingan koʻngillar yanada tozardi, yangi ijod lahzalariga oshno boʻldi. Tursunboy Abdullayev shu yerning oʻzida doston yoʻllarida tabriklar bitib, tumanimizning ardoqli farzandlariga, shu barobarida mushoira ishtirokchilariga ham sheʼriy salomlar yoʻlladi. Bahorni sogʻingan koʻngillar yuksalib bu qutlugʻ kunga shukronalar aytildi.

Amuning suvlariga toʻsh urib uchgan qushim,
Bolajonlar quvonchin pirpirab, quchgan qushim –
Varraklarmi!? Yoʻq, ular EPK nurin ichgan qushim,
E-hey! Yashil boʻrk ila chulgʻandi oʻng-u tushim.
Koʻklandi qir-u dalam! Koʻzlarga surtdik, shukur!

Tashkilot aʼzolari, badiiy ijod ahli tomonidan oʻtkazilgan ushbu mushoira har bir qalbga joʻshqinlik, bahoriy ilhom va shukurona bagʻishladi.

Pobiya YOʻLDOShEVA.