Jayxun ilhomlari

BAYPAM BADIHASI
(Qizlarga bahoriy maktub)
Qaldirgʻochlar qanotida Navbahor,
Valfajri goʻyoki “Yosin”, “Taborak”
Siz Alloh yaratgan malak – betakror –
Muqaddas xilqatsiz. Bayram muborak!

Har esgan saboda bayram nafasi –
Sezilar, xushnavo ayyomdan darak.
Siz bilan porloqdir yurtning ertasi,
Ajab saodatsiz. Bayram muborak!

Koʻzlarni yashnatar, koʻngil yayratar,
Boshlarda tol bargak, lola chambarak.
Shoʻx-shodon kulgular toledan xabar
O, sohibjamollar, bayram muborak!

Bugun maqtov uchun tanlab qancha soʻz,
Til ojiz, boshimiz ham sarak-sarak.
Yayrab-yashnab yuring, hech tegmasin koʻz
O, nozik nihollar, bayram muborak!

Yal-yal yonoqlarda hayot tajalli,
Inja tabassumga hapriqar yurak.
Ehtirom Sizgadir abad-azaliy,
O, ruxsori ollar, bayram muborak!

Tashbeh bor falakda, qiyos uchun – Oy...
Faqat bunga kuchli tasavvur kerak.
Lekin dilda – Sizlar. Oyga yoʻqdir joy
O, mohi hilollar, bayram muborak!

Taʼrifga til ojiz: koʻzlari nargis,
Qoshlari yoyidan qalblarda novak,
Nagʻmasoz xushnavo bulbuldek nafis –
Suhbatlari bollar, bayram muborak!

Baxtingiz doimo bus-butun boʻlsin,
Yarim ham boʻlmasin, boʻlmasin chorak.
Gʻam-alam sizlardan yiroqda qolsin,
O, malak misollar, bayram muborak!

Har bir dil – bir olam, ehtiros boʻlak,
Oshiqlar his etgan tuygʻu mushtarak
Qancha Salomchi-yu, Ahmadlar halak –
Topolmay timsollar. Bayram muborak!
Tursunboy ABDULLAYeV.
Ahmad NAFASOV.

NAVPOʻZ KELIB
Kalta kunlar boʻldi uzun,
Koʻk maysalar yerga husn.
Hamma xursand, shodon bugun,
Navroʻz kelib, Navroʻz kelib.

Pishmoqdadir sumalaklar,
Qizlar taqdi tolbarglar.
Koʻkda uchar gʻoz, oʻrdaklar,
Navroʻz kelib, Navroʻz kelib.

Sovuq endi bizdan qochar,
Dehqon yerga urugʻ sochar.
Bogʻ-u rogʻlar chiroy ochar,
Navroʻz kelib, Navroʻz kelib.

Yurtimizda toʻy-tantana,
Oʻynaydirmiz yana-yana.
Tomosha zoʻr, keling, mana,
Navroʻz kelib, Navroʻz kelib.
Saʼdulla XOʻJANIYoZOV.

Kelmoqda Navroʻz
Hali qaylardadir qorin selpir qish,
Xali qaylardadir erimagan muz.
Bizda aylanganday oʻngga shirin tush,
Bugun elimizga kelmoqda Navroʻz.

Tugʻilgan iniga u yana qaytib,
Bizlar uchun tilab, moʻl-koʻl rizq-u roʻz,
Qaldirgʻoch kelmoqda “valfajr” aytib,
Xush navolar bilan kelmoqda Navroʻz.

Hademay ochilib lolaqizgʻaldoq,
Yoʻl boʻyida husnin qiladi koʻz-koʻz.
“Atrofni yashnatgan qudratimga boq”, –
Deganday yurtimga kelmoqda Navroʻz.

Mana, oʻriklar ham gulladi qiygʻos,
Yana yashil libos kiyar dala-tuz.
Bahor goʻzalligin koʻrsatib roʻy-rost,
Shaxdam qadam bilan kelmoqda Navroʻz.

“ – Har dardning oldini olmoqlik durust,
Shu sabab hozirdan rejalaring tuz.
Shunda daf qilmaydi koronavirus”, –
Degan oʻyga solib kelmoqda Navroʻz.

Shukur, koʻngillardan rutubat ketdi,
Atrofda chiroydan qamashadi koʻz.
Endi gʻayrat qilmoq fursati yetdi,
Xush kelding, xush kelding, xush kelding, Navroʻz!
A.Nafasov.

Navroʻzi olam
Borliqdan keldi xush xabar,
Mangʻit bogʻlarida hamal.
Bulbullar kuylaydi gʻazal,
Navroʻzi olam marhabo!

Nurga toʻlib yuraklari,
Gulga toʻlib etaklari.
Yayrar bu dam yosh-u qari,
Navroʻzi olam marhabo!

Pizq-u roʻzi ulugʻ elim,
Baxti butun, toʻliq elim.
Bayramlaring qutlugʻ elim,
Navroʻzi olam marhabo!

Navo toʻla havo bugun,
Dillar toshqin daryo bugun.
Poʻlat ogʻa shaydo bugun,
Navroʻzi olam marhabo!
Navroʻzi olam marhabo!
Poʻlat XUDOYBEPGANOV,
Turon fanlari akademiyasi akademigi, jurnalist.

YaShILLANDI DALALAP
Qish oʻtgach, ilk bahorda,
Shudring tushgan nahorda.
Sabolar qanotida,
Qushlar qaytib keldilar.

Ana, qarang bolalar,
Yashillandi dalalar.
In qurib ayvonlarda,
Sayradi qaldirgʻochlar.
Muhabbat OʻPINBOSAPOVA,
3-sonli maktab oʻquvchisi.

ONA MEHPI
Ona mehri misli dengiz,
Toʻlib-toshib oqadi.
Ona asli farzandini,
Mehr bilan boqadi.

Mehr koʻrib oʻssa bola,
Olamga mehr berar,
El yurtini ardoqlaydi,
Qalbida bahor kular.
Sarvinoz MUPODOVA,
11-sonli maktab oʻquvchisi.

YuPTIMDA NAVPOʻZ
Har yili yurtimga kelganda bahor,
Shodlik va quvonchdan yayrar koʻngillar.
Koʻzni qamashtirar muattar gullar,
Sevgi-sadoqat deb kuylar bulbullar.

Navroʻz oʻzbegimning bahor bayrami,
Sumalaklar pishar kuch-quvvat koni.
Ajdodlarimizdan esda qolgani,
Qadimdan merosdir ahillik shaʼni.
Erkin Ismoilov.

DAPAXT EKING!
Doʻstlar, eking daraxtlar,
Ular bizlarni asrar.
Toza havo beradi,
Har dilni shod etadi.

Daraxt ekingiz har dam,
El-u yurt boʻlar koʻrkam.
Tabiat bizdan rozi,
Gullar hatto qish, yozi.
Shahlo QUVVATOVA.

Shabboda
Koʻk yuzidan bulut qochar,
Samo ajib nur qoʻynida.
Qaldirgʻochlar chugʻurlashar,
Omon chiqib gulbahorga.

Yelib, yugurar shabboda,
Lolalarni silab oʻtar.
Maysalarni egib tongda,
Esar mayin shabboda.

Togʻlardan tushar zilol suv,
Shod etadi koʻngillarni.
Qish boʻyi zerikib, tolib,
Bahorga chiqqan qalblarni.

Maysalarning barglarida,
Marjondek jilvakor shudring.
Madh etar qancha shoirlar,
Gulbahorim, goʻzalliging.

Sharqirab oqqan soylar ham,
Qirmizi gilam singari.
Toʻshalgan yoqut gullar ham,
Bahor, sening timsoling.
Laylo OLIMOVA,
56-sonli maktab oʻquvchisi.

YoMGʻIP
Tong bilan turdim,
Dalaga boqdim.
Poʻyi zamin loy,
Toʻlib oqar soy.
Yomgʻir yogʻardi,
Dilga yoqardi.
Tomda kabutar,
Menga boqardi.
Yomgʻir tingan payt,
Gulladi hayot.
Oftobga boqib,
Bitdim sheʼriy xat.
Akrom Koʻklanov, 5-maktab oʻquvchisi.

QIZChA
Buncha shirin qizaloq,
Tishlari xuddi munchoq.
Koʻzlari yonib turar,
Yuzlari kulib turar.

Kulib turgan yuzlari.
Xuddi oyni eslatar.
Yonib turgan koʻzlari,
Porloq quyoshga mengzar.
S.YaNGIBOYeVA.

BAHOPIM KELDI
Koʻm-koʻk boʻlib yashnagan,
Soʻlim bahorim keldi.
Chamanlarning muattar,
Iforin ola keldi.

Bayramlar qoʻsha-qoʻsha,
Quvonch olib keladi.
Maysalar ham quyoshga,
Kun sayin intiladi.
Shohsanam OʻrOzaliyeva,
Namuna MFY.

NAVPOʻZ –  BAHOP BAYPAMI
Navroʻz – bahor bayrami,
Kirib keldi hademay.
Anhorlarda oqadi,
Zilol suvlar toʻxtamay.

Xalqimizning sevimli,
Taomidir sumalak.
Qozonning atrofida,
Bolalar boʻldi halak.

Uy oldida, gulzorda,
Uchib yurar kapalak.
Bu ham bitta xabarchi,
Bahordan berar darak.

Saxiy quyosh porlaydi,
Navroʻz bizni chorlaydi!
Diana BOZOPBOYeVA,
75-maktab oʻquvchisi.