SAVDO PASTALAPIDA NAPX-NAVO ASOSSIZ OShIPILIShIGA YOʻL QOʻYILMAYDI

Butun dunyoda koronavirus pandemiyasi xavfi oshib borayotgan ayni kunlarda mamlakatimizda xalqimizni har qanday xavf-xatarlardan kafolatli himoya qilish, oziq-ovqat xavfsizligini taʼminlash, mamlakatimiz aholisi uchun bobomeros qadriyat – Navroʻz - umumxalq bayrami arafasida isteʼmol bozorini sifatli oziq-ovqat mahsulotlari bilan toʻldirish hamda joylarda sanitariya osoyishtaligini  taʼminlash borasida aniq maqsadlarga qaratilgan ishlar amalga oshirilmoqda.

2020-yilning 11-mart sanasida Oʻzbekiston Pespublikasi Vazirlar Mahkamasida boʻlib oʻtgan maxsus yigʻilishda ham xalqimizning asosiy turdagi oziq-ovqat mahsulotlariga boʻlgan talabini toʻla-toʻkis qondirish, Navroʻz – umumxalq bayrami arafasida mamlakatimizning barcha hududlarida sanitariya osoyishtaligini taʼminlagan  holda savdo yarmarkalarini tashkil etish boʻyicha amalga oshiriladigan asosiy vazifalar belgilab olindi.

Oʻzbekiston Pespublikasi Bosh vaziri Abdulla Aripov raisligida oʻtkazilgan maxsus yigʻilishda Bosh vazir maslahatchilari, koʻrilgan masalaga aloqador vazirlik va idoralar, Toshkent shahar hokimligi, Qoraqalpogʻiston Pespublikasi Joʻqorgʻi Kengesi raisi va viloyatlar hokimliklari rahbarlari ishtirok etdilar.

Boʻlib oʻtgan maxsus yigʻilishda “Navroʻz – umumxalq bayrami arafasida va bayram kunlari ichki isteʼmol bozorini asosiy turdagi oziq-ovqat mahsulotlari bilan kafolatli toʻldirish va narx-navolarni barqaror saqlanishini taʼminlashga qaratilgan qoʻshimcha chora-tadbirlar toʻgʻrisida”gi masala atroflicha muhokama qilindi. Ushbu yigʻilish bayonnomasiga koʻra, maxsus ishchi guruhlari tuzilib, mamlakatimizning barcha hududlarida, aholi zich yashaydigan qishloq guzarlarida 15-25-mart kunlari ijtimoiy muhim turdagi oziq-ovqatlar va qishloq xoʻjaligi mahsulotlari bilan savdo qiluvchi yarmarkalar tashkil qilish vazifasi belgilangan edi.

Tumanimizda ham maxsus ishchi guruh tashkil etilib, savdo yarmarkalarida oziq-ovqat xavfsizligini va  sifatini nazorat qilish, yarmarka savdolari oʻtkaziladigan manzillarda sotuvchilar uchun barcha zaruriy sharoitlarni yaratish, jumladan, savdo rastalari, sovutgichlar, tarozilar, mahsulotlarni saqlash omborxonalari hamda sotuvchilarning toʻlov terminallari bilan taʼminlanish holatlari yuzasidan olib borilayotgan ishlar iqtisodiy jinoyatlarga qarshi kurashish Departamenti va masʼul tashkilotlar tomonidan nazoratga olindi.

Maxsus ishchi guruh tumanda tashkil etilgan savdo yarmarkalari faoliyati hamda “Mangʻit dehqon bozori” rastalarida savdoga chiqarilayotgan oziq-ovqat mahsulotlari, sabzavotlar, xususan, goʻsht, sut, tuxum, kartoshka, piyoz, meva-sabzavotlar, guruch, baliq mahsulotlari, yaxna ichimliklar va boshqa isteʼmol tovarlarining sifatini koʻzdan kechirdilar.

Shuningdek, maxsus ishchi guruh aʼzolari “Mangʻit invest plyus” MChJga qarashli sendvich panelli omborxona faoliyati bilan yaqindan tanishib, bu yerda saqlanayotgan oziq-ovqat mahsulotlarining isteʼmolga muvofiqlik darajasi, zahirasi hamda sifat koʻrsatkichlarini oʻrgandilar. Bundan tashqari, ishchi guruh aʼzolari “Mangʻit Dehqon bozori”da hamda oziq-ovqat doʻkonlarida yarmarka savdolariga jalb etilgan barcha xoʻjalik subʼekatlarining toʻlov terminallari bilan taʼminlanganlik holatlarini ham oʻrgandilar. Yarmarka savdolariga mahsulotlar keltirayotgan dehqonlar, fermerlar hamda tadbirkorlarga savdo oʻrinlari va zarur sharoitlarni yaratish yuzasidan amalga oshirilgan ishlar bilan ham yaqindan tanishdilar. Ayniqsa, yarmarka savdolarida narx-navoning asossiz ravishda oshirib yuborilishiga yoʻl qoʻymaslik maqsadida “Mangʻit Dehqon bozori” rastalarida hamda savdo yarmarkalarida sotilayotgan mahsulotlar xarid narxlarining mutanosibligi alohida nazorat qilindi.
Iqtisodiy jinoyatlarga qarshi kurashish Departamenti, tuman prokuraturasi va masʼul tashkilotlar tomonidan olib borilgan targʻibot ishlari natijasida narx-navoning asossiz ravishda oshirib yuborilishining oldi olindi. Ayni paytda “Mangʻit Dehqon bozori” hududidagi rastalarda va savdo yarmarkalarida aholiga goʻsht 42 mingdan, kartoshka 3-3,2 ming, piyoz 2 ming soʻm atrofidagi narxlarda sotilmoqda.

Maxsus ishchi guruh tomonidan olib borilayotgan ishlarning barchasi Navroʻz – umumxalq bayramini munosib nishonlash bilan birga, xalqimizning sanitariya-osoyishtaligini, shu barobarida oziq-ovqat xavfsizligini taʼminlash va bayram kunlarini munosib nishonlashdir.

Pobiya YOʻLDOShEVA.