Gulnoza Oʻzbekiston chempioni boʻldi
19-umumtaʼlim maktabida sportga qiziquvchi oʻquvchilar koʻplab topiladi. Ular boʻsh vaqtlarini mazmunli oʻtkazish uchun futbol, voleybol, basketbol toʻgaraklariga qatnashishadi. Sportchi oʻquvchilarimiz maktabimiz sharafini himoya qilib kelishmoqda.
Sportga alohida mehr qoʻygan oʻquvchilardan biri Gulnoza Ahmedovadir. U 8-sinfning aʼlochi oʻquvchilaridan biri boʻlib, nafaqat maktabimizning, balki qishlogʻimizning ham faxridir. U 9 yoshidan boshlab, sportning Taekvando WTF turi bilan muntazam shugʻullanib kelmoqda. Koʻpgina musobaqalarda ishtirok etib, faxrli oʻrinlarni egallagan. 2019-yilning 18-21-iyun kunlari Toshkent shahrida oʻtkazilgan taekvando boʻyicha Toshkent ochiq turnirida ishtirok etib, faxrli 3-oʻrinni qoʻlga kiritdi. Shuningdek, Gulnoza 2019-yil 6-7-sentyabr kunlari Nukus shahrida boʻlib oʻtgan turnirda 1-oʻrinni qoʻlga kiritib, Oʻzbekiston chempionatiga yoʻllanmani qoʻlga kiritdi. Sportchi qizimiz Gulnoza Oʻzbekiston chempionatida ham muvaffaqiyatli qatnashib, 2-darajali diplom bilan taqdirlandi.
2020-yil ham Gulnoza uchun omadli keldi. U 22-23-fevral kunlari yosh oʻsmirlar va qizlar oʻrtasida oʻtkazilgan Qoraqalpogʻiston Pespublikasi chempionatida qatnashib, faxrli 1-oʻrinni egallab, Qoraqalpogʻiston chempioni boʻldi. Gulnozaning bunday yutuqlarni qoʻlga kiritishida uning murabbiyi Oybek Abdullayevning xizmati kattadir. U shogirdiga sportning sir-asrorlarini qunt bilan oʻrgatib kelmoqda.
Biz Qoraqalpogʻiston va Oʻzbekiston chemioni, yosh iqtidorli sportchi qizimizga zafarlar tilab, uning gʻalabalari bardavom boʻlishini, tilaymiz, Oʻzbekiston sport sharafini yanada yuksaklarga koʻtarishiga ishonamiz.
Muhabbat ShAMAYeVA,
19-sonli maktab oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
