NAVOIYXONLIK KEChASI FAYZLI OʻTDI
Tumanimizdagi 14-sonli maktabda oʻzbek tili fani oʻqituvchilari Dilfuza Gaipova, Feruza Xoʻjamurodovalar tomonidan tashkillashtirilgan “Soʻz mulkining sultoni” mavzusida Alisher Navoiy tavalludining 579-yilligiga bagʻishlangan adabiy-musiqiy kecha oʻtkazildi.
Kechada oʻquvchi-yoshlar Navoiy hayoti va ijodiga bagʻishlangan maʼnaviy-maʼrifiy maʼruzalar oʻqishdi. Shoir yashagan davr haqida oʻz tasavvurlarini bayon etish asnosida Navoiyning ilm-fan, madaniyat va maʼrifatni rivojlantirish, shahar va qishloqlarni obodonlashtirish, madrasa va masjidlar, yoʻllar, koʻpriklar, sardabalar qurish kabi bunyodkorlik ishlari bilan ham oʻz davrida yuksak obroʻ-eʼtibor qozonganini iftixor bilan soʻzladilar.
Ayniqsa, Navoiyning ilm ahliga, adabiyot ahliga koʻrsatgan begʻaraz yordami, homiyliklari bugungi davr kishilari uchun ham juda katta ibrat maktabi ekanligini taʼkidlashib, shunday ulugʻ zotning avlodlari ekanliklaridan faxrlandilar.
Kechada oʻquvchi-yoshlar Navoiy asarlaridan parchalarni ifodali oʻqishib, gʻazal va tuyuqlarini yoddan aytib berish bilan birga, ularning maʼno va mazmunlari haqida oʻz fikrlarini bildirdilar.
Boʻlib oʻtgan Navoiyxonlik kechasi oʻquvchilar qalbida insoniylik, xalqparvarlik, doʻstlik, vatanparvarlik tuygʻularini yanada mustahkamladi.
Muyassar XALILLAYeVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
