Fermer, dehqon xoʻjaliklari va tomorqa yer egalari DIQQATIGA!
Ekinlarni sugʻorishda suv tanqisligiga duch kelayapsizmi? Ekin hosildorligi va uning sifati sizni qoniqtirmayaptimi? Xarajatlar miqdorini kamaytirib, hosildorlikni oshirmoqchimisiz? Buning uchun tomchilatib sugʻorish tizimidan foydalaning!
Tomchilatib sugʻorish bu – ekinga uning ehtiyojiga mos hajmda suvni yetkazib berishga moʻljallangan tizimdir. Bunda suv dalaning ekin joylashgan barcha qismlariga bir xilda yetkazib beriladi. Natijada dalaning ekin ekilgan qismlari bir xilda namlanib, yer oʻzining energiyasini toʻlaligicha hosil yaratishga sarflaydi.
Tomchilatib sugʻorilganda odatdagi sugʻorish usullariga nisbatan ekin turiga qarab, 40 foizdan 50 foizgacha suvni tejash mumkin. Qolaversa, hosildorlik bogʻ va tokzorlarda 40-50 foizgacha, sabzavotlarda esa 80-100 foizgacha oshishi mumkin. Bundan tashqari hosil odatdagidan 10-15 kun erta pishadi. Eng muhimi, mineral oʻgʻitlar, elektr energiyasi, mehnat sarfi, yonilgʻi moylash materiallari va boshqa resurslarning tejalishi natijasida xarajatlaringiz ancha kamayadi.
Prezidentimizning maxsus qarori asosida tumanimizda ham ekin maydonlarida tejamkor tomchilatib sugʻorish texnologiyasi keng joriy etilmoqda. 2019-yilda paxta yetishtiruvchi 8 ta fermer xoʻjaliklari va paxtachilik klasteri korxonasiga tomchilatib sugʻorish texnologiyasini joriy etish uchun tijorat banklari tomonidan umumiy qiymati 2 milliard soʻmlik kredit mablagʻlari ajratildi. Fermer xoʻjaliklari va klaster tashkilotlarining oʻz mablagʻlari hisobidan 100 gektar maydonda tomchilatib sugʻorish texnologiyasi joriy qilindi. 2020-yilda esa 150 gektardan ziyod intensiv bogʻlar va paxta dalalarida ushbu tizim joriy etilishi rejalashtirilgan.
Bu tizimdan foydalanish istagida boʻlgan fermerlar va tomorqachilar Amudaryo tumani Fermer, dehqon xoʻjaliklari va tomorqa yer egalari Kengashiga murojaat qilishlari mumkin.
Tuman fermer, dehqon xoʻjaliklari va tomorqa yer egalari Kengashi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
