Sogʻlom bola yili yangiliklari
Yangi uslubiy qoʻllanma nashr qilindi
Oʻzbek tili va adabiyoti fanini chuqur oʻrganishni oʻz oldiga maqsad qilib qoʻygan odam eng avvalo oʻzbek tili grammatikasini yaxshi bilishi zarur. Tumanimizdagi 40-sonli umumtaʼlim maktabining ona tili va adabiyoti fani oʻqituvchisi Hulkaroy Xoʻjaniyozovaning 2013-yilda "Bilim" nashriyotida chop etilgan "Diktantlar toʻplami" ham ana shu maqsadga xizmat qilishga moʻljallangan.
Mazkur toʻplam oʻqituvchilarning oʻzbek tili grammatikasining boy imkoniyatlaridan unumli foydalangan holda dars oʻtishlarida haqiqiy uslubiy qoʻllanma hisoblanadi. Qoʻllanmada oʻquvchilarning yozma va ogʻzaki nutqlaridagi imloviy xatolarni bartaraf etish usullari, 5-va 9-sinflar uchun ogʻzaki va yozma nutqni rivojlantirishga moʻljallangan diktantlar mavzulari, kirish soʻz va kirish birikmalarda tinish belgilari hamda un-dalmalarda vergullarning ishlatilishiga oid muallifning uslubiy tajribalari oʻz aksini topgan.
Salomatlik mavzuida seminar-kengash
Oʻzbekiston Respublikasi Oliy Majlisi huzuridagi Nodavlat notijorat tashkilotlari va fuqarolik jamiyatining boshqa institutlarini qoʻllab-quvvatlash jamoat fondi tomonidan moliyalashtirilgan "Aholining ekologik va tibbiy madaniyatini yanada yaxshilashda, aholi orasida, ayniqsa yoshlarga sogʻlom turmush tarzini targʻib qilishda OAVlarning rolini oshirish" loyihasi doirasida Amudaryo xizmat koʻrsatish va servis kasb-hunar kollejida"Sogʻlom turmush tarzi - salomatlik garovi" mavzuida seminar-kengash oʻtkazildi. "Taraqqiyot koʻzgusi" gazetasi, Tuman tibbiyot birlashmasi huzuridagi "Salomatlik markazi" hamda tuman DSENM shifokorlari bilan hamkorlikda oʻtkazilgan mazkur tadbirda kollejning yuqori bosqich oʻquvchi yoshlari hamda oʻqituvchilari ishtirok etdilar.
Bagʻrikenglik va insonparvarlik ifodasi
Istiqlol yillarida fuqarolarning ijtimoiy-siyosiy, madaniy huquq va erkinliklari toʻliqtaʼminlanishiga erishilmoqda. Ayniqsa, jinoyat qonunchiligining izchil ravishda liberallashtirilayotganligi mamlakatimizda mohiyatan insonparvarlik va bagʻrikenglik tamoyillarining ustuvorligidan dalolatdir.
Prezidentimiz taqdimnomasiga binoan 2013-yilning 12-dekabrida Oliy Majlis Senati tomonidan qabul qilingan "Oʻzbekiston Respublikasi Konstitutsiyasi qabul qilinganining 21-yilligimunosabati bilan Amnistiya toʻgʻrisida"gi Qaror ham nafaqat demokratik jamiyatning ustuvor tamoyillarini, balki bagʻrikenglik, muruvvat va insonparvarlik kabi oliy fazilatlar mohiyatini oʻzida mujassam etgan. Ushbu Qarorga muvofiq tuman jinoyat ishlari boʻyicha sudi tomonidan 2014-yilning 12 yanvarigacha 61 ta ish boʻyicha 95 nafar fuqaroga nisbatan Amnistiya akti qoʻllanildi. Shulardan 16 nafari ayollar, 79 nafari erkaklar boʻlib, ularning 6 nafarini voyaga yetmagan yoshlar, 1 nafar shaxs esa chet davlat fuqarosi hisoblanadi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
