"Chordara" mahallasida sunʼiy qoplamali futbol maydonchasi foydalanishga topshirildi
Mamlakatimizda ishbilarmonlikni, ayniqsa, oilaviy tadbirkorlikni rivojlantirishga alohida eʼtibor qaratilib, keng imkoniyat yaratilmoqda. Davlatimiz tomonidan kredit mablagʻlari ajratilib, bunga chekka hududlarda yashovchi oilalar ham jalb etilmoqda va tadbirkorlikni yoʻlga qoʻyib olishlariga koʻmaklashilmoqda.
5-avgust kuni "Chordara" mahallasidagi boʻsh turgan maydonda yosh tadbirkor J.Zaripov tomonidan qurilgan sunʼiy qoplamali futbol maydonchasi foydalanishga topshirildi. Maydoncha Yoshlar ittifoqi tuman Kengashi tashabbusi bilan "Har bir oila tadbirkor" dasturi doirasida “Mikrokreditbank”dan olingan 156 mln. soʻm kredit mablagʻi hisobidan qisqa muddat ichida qurib bitkazildi.
Sport inshootining ochilish marosimida tuman hokimi oʻrinbosari M.Temirbayev, Yoshlar ittifoqi tuman Kengashi raisi M.Shermetov, BOʻSM direktori Ch.Tojimurodov hamda mahalla raisi, masʼullari, faollari qatnashishdi. Marosimdan soʻng, mahalla yoshlari ishtirokida futbol musobaqasi tashkillashtirildi.Tadbirkor tashabbusi bilan maydonchada har kuni tuman Sport maktabining futbol toʻgaragi aʼzolariga sport bilan shugʻullanishlari uchun imkoniyat yaratish maqsadida bepul xizmat koʻrsatish tashkillashtirildi.
Sunʼiy qoplamali futbol maydonchasi bunyod etilib, yoshlarga jismonan sogʻlom boʻlib oʻsishlari uchun sharoit yaratilganidan mahalla ahli nihoyatda mamnun boʻldilar.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
