ANDIJON VILOYaTI MUSIQALI DPAMA TEATPI IJODKOPLAPI MANGʻITDA PPEMEPA NAMOYISh ETIShDI
Bir necha kundirki, respublikamiz poytaxti Nukus shahri bayram ogʻushida: “Seni kuylaymiz, zamondosh” deb nomlangan mamlakatimiz drama teatrlarining anʼanaviy beshinchi koʻrik festivali boʻlib oʻtmoqda. Musiqa drama teatrlari ijodiy jamoalari bu yerda zamonamizning qahramonlari obrazi mukammal oʻz ifodasini topgan spektakllarini namoyish etishmoqda, ijodkorlar bir-birlari bilan oʻzaro ijodiy fikr almashib, tajriba almashishmoqda.
Mazkur anjumanda Andijon viloyati musiqali drama teatri jamoasi Bahodir Murod Alining “Munojot” spektaklini namoyish etishdi. Nukus shahar yosh tomoshabinlar teatrida boʻlib oʻtgan spektakl premerasini tomoshabinlar juda iliq qarshi olishdi.
Shu yilning 14-iyun kuni mazkur jamoa tuman Madaniyat boʻlimi tomoshalar zalida shu spektaklni amudaryoliklar hukmiga ham havola etishdi. Ishoqjon Ergashev rejissyorligida sahnalashtirilgan spektaklda bosh qahramon Ozoda obrazi orqali hayot tashvishlariga boʻyin egmay, oʻz eʼtiqodiga sodiq qolgan, kurashgan va orzu-niyatlariga erishgan zamonamiz qahramoni gavdalantirilgan. Spektaklda rollarni Oʻzbekistonda xizmat koʻrsatgan artist Muruvvatxon Qodirova hamda tajribali sanʼatkorlar Ibrohimjon Normatov, Mavluda Boymurodova, Shohistaxon Mahmudova, Habibullo Yunusovlar va yosh iqtidorli aktyorlar ijro etishgan.
- Bizning premeramizni Nukusda ham, Mangʻitda ham tomoshabinlar zoʻr qiziqish bilan tomosha qilishgani juda ruhimizni koʻtarib yubordi. Bizga kerakli sharoit yaratib berishgani uchun juda minnatdor boʻldik. Ijodkorlar uchun tomoshabin eʼtibori, olqishidan ulkan mukofot yoʻq, - deydi spektakl rejissyori Ishoqjon Ergashev.
Amudaryoliklar spektakl premerasini maroq bilan tomosha qildilar va koʻngilli dam oldilar.
O.PAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
