Tomorqachi uchun bugungi kunning har bir daqiqasi gʻanimat

Tumanimizda 32570 ta xonadon hisobida 5217 gektar ekin yerlari mavjud boʻlib, 2019-yil bahor mavsumida 496 gektar yerga sabzi, 210 gektar yerga piyoz, 152 gektar yerga sarimsoq piyoz, 450 gektar yerga bodring, 30 gektar yerga turli kukatlar, 596 gektar yerga kartoshka, 1250 gektar maydonga poliz, 550 gektar maydonga pomidor ekinlarini ekish rejalashtirilib, 565 gektar yerga boshqa ekinlarni joylashtirish boʻyicha prognoz koʻrsatkichlari ham belgilangan edi. Tumanda tomorqa yerlaridan samarali foydalanishni tashkil etish maqsadida 49 ta ovul va mahallalardagi aholi tomorqalarida 425 ta ixcham issiqxonalar tashkil qilish ishlari ham rejalashtirilgan edi. Bugungi kungacha 183 ta shunday issiqxonalar tashkil qilindi. Tomorqa yerlarini ekmagan fuqarolar bilan suhbatlar oʻtkazilib, tushuntirish ishlari olib borilayapti. Shunday 630 ta xonadon egalariga ogohlantirish xatlari ham berildi.

Tuman hokimining 2019-yil 10-fevral kungi 6-f-sonli farmoyishi ijrosini taʼminlash maqsadida kam taʼminlangan oilalarga mevali daraxt kuchatlarini tarqatish uchun tuman mahalliy byudjetidan 50 mln.soʻm pul mablagʻlari ajratilib, 1282 dona olma, 1282 dona nok, 1282 dona behi, 1282 dona olxoʻri, 1282 dona oʻrik, 1282 dona gilos koʻchatlari jami - 7692 tup mevali daraxt koʻchatlari tarqatilib berildi.

Bugungi kunda tomorqa yer egalari bahorning har bir daqiqasidan oqilona foydalanib, unumli mehnat qilsa, ekayotgan ekinidan moʻl hosil olishini juda yaxshi bilishadi. Shu boisdan ham ayni kunda tumandagi barcha tomorqa egalari yerlarini ekishga tayyorlash va urugʻ qadash ishlarini jadal surʼatlarda olib borishayapti.

F.Sadullayev, tuman fermer,

dehqon xoʻjaliklari va

yer egalari kengashi raisi.