Fermer xoʻjaliklari faoliyatidagi kamchiliklar bartaraf etilayapti
Oʻzbekiston Respublikasi Bosh prokuraturasi huzuridagi agrosanoat majmui va oziq-ovqat xavfsizligi taʼminlanishi ustidan nazorat qilish inspektsiyasi Amudaryo tumani boʻlimi tomonidan paxta va gʻalla agrotexnikasi va qishloq xoʻjaligi texnikalarining mavsumga tayyorgarligi, qishloq xoʻjaligi, melioratsiya va yoʻl qurilishi texnikalari boʻyicha nazorat ishlari olib borilganda bu ishlar boʻyicha qator kamchiliklar mavjud ekanligi aniqlandi.
Tumanda bir qancha transport vositalarining davlat raqami belgilari almashtirilgan, fermer xoʻjaliklariga tegishli boʻlgan texnikalarning koʻpchilik qismi texnik koʻrikdan oʻtkazilmagan.
Inspektsiyaning tuman boʻlimi xodimlari ushbu kamchiliklarni bartaraf qilish maqsadida transport vositalarining eski davlat raqami belgilarini yangisiga almashtirish, fermer xoʻjaliklari texnikalarini texnik koʻrikdan oʻtkazish, ularga yangi texnik pasportlar berish ishlarini tashkillashtirdilar.
Shuningdek, Nazarxon ovulidagi “Yernazarov Doston” va “Ametov Nazarboy” fermer xoʻjaliklarida, Qangli ovulidagi “Diyorbek Qanjigʻali”, “Qum yop” va “Fayzulla Madiyor” fermer xoʻjaliklariga tegishli boʻlgan chigit ekish seyalkalari va boshqa texnikalarining toʻla taʼmirlanmaganligi aniqlanib, bunday kamchiliklarni bartaraf etish choralari koʻrildi.
A.Jumaniyozov.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
